ہمارے شہر میں ایک کالونی واقع ہے جو ایک محکمہ کے ماتحت تھی جب اس محکمہ کی نجکاری ہوئی اور بہت سے ملازمین نے وی ایس ایس لے کر ریٹائر منٹ حاصل کرلی جس کی بنیاد پر چھ ماہ میں کوارٹر چھوڑنے کے پابند تھے۔ لیکن کالونی کی یونین نے عدالت میں یہ ثابت کیا کہ یہ کالونی مذکورہ محکمہ کی ملکیت نہیں اور ثابت کیا کہ یہ حکومت کے کسی دوسرے محکمہ کی ملکیت ہے اس کے مطابق اس کا لونی کا مالک دوسرا محکمہ ہے س وقت عدالت نے سٹے دے دیا جس کی بنیاد پر لوگ ۲۰۰۸ سے اب تک ریٹائرمنٹ کے باوجود رہائش پذیر ہیں اور کیس عدالت میں چل رہا ہے یہ سٹے پوری کالونی کا ہے جو جہاںرہائش پذیر ہے اس کے مطابق اسے کوئی نہیں نکال سکتا۔ کالونی کی مسجد سے متصل ایک جگہ خالی تھی کم و بیش ۱۹۸۰ کی دہائی میں افسران بالا نے امام صاحب کو مکان بنا کردیا جس میں انتظامیہ مسجد کا عمل دخل نہ تھا اس طرح مؤذن کے لئے بھی کمرہ بنایا اس کے بعد ایک کمرہ مزید انتظامیہ نے امام صاحب کو بنا کردیا۔