مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
مسابقہ بین الحفظ کی انٹری فیس اور ٹورنامنٹ کی انٹری فیس میں فرق
سوال
وفاق المدارس العربیہ پاکستان حفظ کے بچوں کے لیے ایک مسابقہ منعقد کررہا ہے جس کی رجسڑیشن فیس یا انٹری فیس پانچ سو روپے ہے جس میں صرف پہلی تین پوزیشن حاصل کرنے والوں کو انعام دیاجائے گا۔ اس میں اور ٹورنامنٹ کی انٹری فیس میں کیا فرق ہے؟ شریعت مطہرہ کی روشنی میں جواب مرحمت فرمادیں۔
جواب
جوئے اور قمار کا حاصل یہ ہے کہ سب لوگ رقم جمع کرکے اس مجموعہ رقم کے حصول کے لیے کوشش کریں اور کامیاب شخص سب رقم حاصل کرلے اور ناکام شخص محروم ہوجائے یہ صورت جواء کی ہے اور حرام اور ناجائز ہے لیکن اگر رقم انتظامی اخراجات کے طور پر دی جارہی ہو اور اس کے بدلے میں انتظامی خدمات موجود ہوں تو یہ رقم بطور اجرت ہوگی اور انتظامیہ اس کی مالک ہوجائے گی اور شرکاء مقابلہ کو انتظامیہ کی طرف سے انعامات دیے جائیں گے اس لیے رجسڑیشن فیس جمع کرانا جوئے میں داخل نہیں ہے۔ لہذا صورت مسئولہ میں وفاق المدارس کا انتظامی اخراجات کے لیے کچھ رجسٹریشن فیس وصول کرنا درست ہے۔ ٹورنامنٹ کی انٹری فیس بھی اگر انتظامی اخراجات کے لیے وصول کی جائے اور انتظامیہ اس کی مالک بن جاتی ہو تو اس کا بھی شرعی یہی حکم ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
