مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
مروجہ پگڑی اور سیکورٹی کی مد میں لی جانے والی رقم کا حکم
سوال
مارکیٹ میں کسی کو کاروبار کیلئے دکان دینے سے پہلے جو ایڈوانس رقم ( پگڑی ) لی جاتی ہے سننے میں آیا ہے کہ یہ قطعاً حرام یا سود کے زمرے میں آتی ہے۔ راہنمائی فرمائیں۔
جواب
کرایہ دار سے ایڈوانس رقم وصول کرنے کی دو صورتیں ہیں۔
نمبر۱۔ایک صورت پگڑی کی ہے،پگڑی وہ اضافی اور ناقابلِ واپسی رقم ہےجو مالک کرایہ دار سے حاصل کرتا ہے،اور اس رقم کو حسابات اور تحریر میں درج بھی نہیں کرتا ۔گویا کہ اس میں کرایہ دار سے حقِ کرایہ داری کے بدل کے طور پر رقم لی جاتی ہےجو رشوت کے حکم میں ہےاور اس کے بدلے میں کوئی سہولت یا عوض نہیں ہوتا،اس لئے یہ ناجائز اور حرام ہے۔
نمبر۲۔جبکہ دوسری صورت “سکیورٹی کے نام پر مالک کرایہ دار سے ایک رقم وصول کرتا ہے،یہ رقم حسابات میں درج اور قابلِ واپسی ہوتی ہے۔ابتداءً یہ رقم مالک کے پاس امانت ہوتی ہے،چونکہ عرف میں کرایہ دار کی جانب سے مالک کو اس رقم کے استعمال کرنے کی قلبی اجازت ہوتی ہے اس لئے انتہاءً یہ قرض بن جاتی ہے اور اس پر قرض کے احکام لاگو ہوتے ہیں،اس لئے یہ صورت جائز ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
