میں اپنا فریضہ مال(زکوٰۃ) ایک مدرسہ کی بلڈنگ کی خریداری اور تعمیر میں دینا چاہتاہوں، جبکہ میں نے سنا ہے کہ زکوٰۃ کے مال کو خریداری اور تعمیر میں استعمال نہیں کرسکتے۔ بلکہ کسی مستحق کو مالک بنانا یعنی فریضہ کی ادئیگی کی تکمیل کے لئے تملیک ضروری ہے اور اس طرح تعمیر، خریداری عمارت میں تملک سمجھ نہیں آتی ، پھر بھی اگر دینا چاہیں تو اس کی کیا جائز صورت ہوگی؟ قرآن وحدیث اور فقہ حنفیہ کی تعلیمات کی روشنی میں بندہ یہ معلوم کرنا اور سمجھنا چاہتا ہے کہ ہمارےہندو پاک کے بڑے دینی اداروں وجامعات دار العلوم دیوبند، مظاہر العلوم، جامعہ علوم اسلامیہ بنوری ٹاؤن، دار العلوم کراچی کے نظام میں زکوٰۃ کے استعمال کا کیا طریقہ ہے۔ بندہ یہ بھی دیکھتاہے کہ مدارس کے اعلانات واشتہارا ت میں اسی طرح لکھا ہوتاہے۔