مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
مختلف غزوات کی سن اور تاریخ
سوال
مجھے یہ معلوم کرنا ہے کہ غزوہ بدر، احد ،خندق، صلح حدیبیہ،غزوہ خیبر، موتہ، حنین ، تبوک ،فتح مکہ،واقعہ معراج کس سن اور کس ماہ میں واقع ہوئے اوراگر تاریخ بھی معلوم ہو جائے تو بہتر ہے۔ اسی طرح روزہ زكوة، اذ ان اور تبدیل قبلہ کے احکام کسی سن میں نازل ہوئے۔
جواب
مختلف غزوات کی سن اور تاریخ
سوال میں ذکر کردہ حضور ﷺ کے مبارک غزوات اور دیگر واقعات و احکام کاسن وقوع اور تاریخ و مہینہ حسب ذیل ہے۔
نمبر ۱۔غزوہ بدر،17 رمضان المبارک سن2ہجری بروز جمعۃ المبارک۔
نمبر ۲- غزوہ احد، 12 شوال سن3ہجری بروز ہفتہ۔
نمبر ۳۔ غزوہ خندق، جمہورعلماء سیر وائمہ مغازی کے نزدیک شوال سن5ہجری، جبکہ بعض اصحاب سیر کے نزدیک شوال سن 4ہجری۔
نمبر ۴۔ صلح حدیبیہ، ذی القعده سن6ہجری جبکہ عمرة الحدیبیہ کے لئے روانگی یکم ذی القعدہ کو ہوئی۔
نمبر ۵۔غزوة خيبر، آخر محرم الحرام سن7ہجری۔
نمبر ۶۔ غزوہ موتہ، جمادی الاولی سن 8ہجری۔
نمبر ۷۔فتح مکہ، رمضان المبارک سن8ہجری اور فتح مکہ سے حضورﷺبمع اصحا ب 10رمضان کو مدینہ منورہ سے روانہ ہوئے۔
نمبر ۸۔غزوه حنین، 6 شوال سن 8ہجری بروز ہفتہ۔ نمبر۹۔غزوہ تبوک ،رجب سن 9ہجری ۔ نمبر۱۰۔واقعہ معراج، راجح اور مشہور قول کے مطابق 27 رجب 11 سن نبوی ۔ نمبر ۱۱۔فرضیت روزه، اخیر عشر ہ شعبان سن 2ہجری۔ نمبر۱۲۔فرضیت زکوة ،ہجرت کے بعد سن1ہجری یا سن 2ہجری میں۔ نمبر۱۳۔تبدیل قبلہ،15شعبان سن 2ہجری۔ نمبر ۱۴۔اذان ،راجح قول کے مطابق سن 1ہجری میں ۔(ماخوذ از سیرت مصطفی از مولانا محمد ادریس کاندھلوی رحمۃ اللہ علیہ)
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
