سوال میں ذکرکردہ تفصیل کے مطابق جب آپ نے مختلف اوقات میں ایک ایک کرکے زبانی دوطلاقیں دینے کے بعد رجوع کیا اور پھر پانچ ماہ کے بعد تیسری مرتبہ اسٹام پیپر پر طلاق لکھوائی توایسی صورت میں تین طلاقیں واقع ہوکر حرمتِ مغلظہ ثابت ہوگئی ہےاورنکاح ختم ہوگیاہے۔ اب موجودہ صورتِ حال میں آپ دونوں ایک دوسرے کے لئے اجنبی بن چکے ہیں، لہٰذاآپ کے لئے ایک ساتھ رہناجائزنہیں ، نہ تو آپس میں رجوع کرسکتے ہیں اور نہ ہی نیانکاح کرکے اکٹھے رہ سکتے ہیں، البتہ اگر عورت عدتِ طلاق گزارنے کے بعد کسی دوسرےشخص سے نکاح کرے اورہمبستری بھی ہوجائے پھردوسرے شوہرکاانتقال ہوجائے یا وہ کسی وجہ سے اسے طلاق دے دے تو عدت گزرنے کے بعدآپ اس عورت کے ساتھ اس کی رضامندی سے شادی کرسکتےہیں۔