مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
لے پالک بچے سے پردہ کا حکم اور اس کا حل؟دوائی سے دودھ اتروانے کا حکم
سوال
میرے تین بیٹے ہیں بیٹی کوئی نہیں، اب میں اپنے بھائی کی نومولود بچی کو گود لینا چاہتاہے ،لیکن اس بچی کے بالغ ہونے کے بعد میرے اور میرے بیٹوں کے ساتھ پردہ کا مسئلہ ہے،تین بیٹے ہیں جبکہ ایک گھر میں رہنے کی وجہ سے پردہ کا اہتمام خاصا مشکل ہوگا ،اور فی الحال میری بیوی کا دودھ بھی نہیں آتاکہ اس بچی کو دودھ پلا کر رضاعت ثابت ہوجائے۔ اب شرعی طور پر کونسا ایسا طریقہ اختیار کیا جائے جس سے پردہ کا مسئلہ حل ہوجائے؟ کیا دوائی کے ذریعہ دودھ اتارا جاسکتاہے یا کوئی اور طریقہ اختیار کرلیا جائے؟
جواب
واضح رہے کہ کسی کی بچی یا بچے کو گود لینا جائز ہے جیساکہ جناب رسول اللہ ﷺ نے حضرت زید بن حارثہ کو گودلیاتھا لیکن اس کی وجہ سے شریعت کے احکام (نکاح،میراث، نسب اور پردہ) تبدیل نہیں ہوتے۔لیکن اگر کوئی عورت گود لینے کے ساتھ اس بچے کو مدتِ رضاعت میں دودھ پلائے تو وہ بچی اس کی اولاد کی طرح ہوجائے گی پھر اس مرضعہ(دودھ پلانے والی عورت)کے شوہر اور اس کی اولاد سے اس بچی کا پردہ ختم ہوجائےگا ۔
لہذا صورت مسئولہ میں آپ کی بیوی یا آپ کی والدہ (یعنی بیوی کی ساس) اگر اس بچی کو دودھ پلاتی ہے تو اس کی وجہ سے آپ کے بچوں کا بلوغت کے بعد اس کے ساتھ پردہ نہیں رہے گا اور اگر آپ کی بیوی کا دودھ نہیں آتا اور اس کے لئے طبی ہدایات کے مطابق خلافِ مضر صحت کوئی دوا استعمال کرکے دودھ اتارا جاسکتاہے تواس کی بھی گنجائش ہے بشرطیکہ مدتِ رضاعت میں ہو اور اس بات کا یقین ہو کہ بچی نے دودھ پی لیاہے۔ (ماخذہ: تبویب دار الافتاء جامعہ احسان القرآن(6/1) ودار العلوم کراچی(1981/90))
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
