مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
لڈو اور چوسر کے بارے میں حدیث کی تحقیق
سوال
جس شخص نے چوسر(لڈو)کھیلی تو گویا اس نے اپنے ہاتھ خنزیر کے خون اور گوشت میں رنگ لیے۔(صحیح مسلم شریف حدیث نمبر2260)کیا یہ حدیث مبارکہ درست ہے؟
جواب
یہ حدیث صحیح ودرست ہے اور مسلم شریف میں یہ حدیث مذکور ہے،البتہ مذکورہ حدیث نرد(چوسر) کے متعلق ہے،جبکہ چوسر اور لڈو دو مختلف کھیل ہیں ،چوسر کے بارے میں صراحت ہے کہ یہ عموماً جوا کے لئے کھیلا جاتا ہے اس لئے حدیث شریف میں اس کی قباحت بیان کی گئی ہے،اور لڈو کے بارے میں یہ تفصیل ہے کہ اس میں اس قدر انہماک نہ ہو کہ فرائض وواجبات میں کوتاہی ہو،نہ لڈو بورڈ پر (جاندارکی)تصاویر ہوں ،نہ جوا کے لئے کھیلا جائے۔محض جسمانی یا ذھنی تھکن دور کرنے کے لئے اگر کچھ وقت کھیلا جائے تو اس میں گنجائش ہے(لیکن اگر لڈو بھی جوا کے لئے کھیلا جائے تو وہ ناجائز وحرام ہوگا) ماخذ از:کھیل و تفریح کی شرعی حدود۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
