مرحومہ کے سوتیلے بیٹے شرعا وارث نہیں ہیں بلکہ حتی الامکان مرحومہ کے ور ثاء کا پتہ چلایا جائے اور اس کے خاندان کے افراد کو تلاش کیا جائے۔ تلاش کے بعد اگر کوئی نہ ملے مثلا نہ باپ ہے ، نہ دادا ہے ، نہ شوہر ہے ، نہ بیٹی ہے، اور نہ ہی عصبات میں سے کوئی موجود ہے مثلا لڑکے ، پوتے، میت کے بھائی ان کی اولاد، دادا، پر داداد غیر ہ میں سے کسی کی اولاد اگر ان میں سے کوئی بھی موجود نہ ہو ۔ اسی طرح ذوی الارحام یعنی میت کی بیٹیوں کی اولا دیا میت کی پوتیوں کی اولاد، میت کے بھانجے بھانجیاں وغیر ہ اگر کوئی بھی موجود نہ ہو ان تمام کی مکمل تحقیق اور تلاش کے بعد پھر اس کے ترکے کا حکم یہ ہے اگر مسلمانوں کا بیت المال قابل اعتماد ہو تو اس کا ترکہ بیت المال میں دیا جائے گا لیکن اگر بیت المال قابل اعتماد نہ ہو تو پھر اس کے مال کو امور خیر میں مثلا مساجد کی مرمت و خدمت مدارس اسلامیہ کی ضرورت یا مسافر خانوں کی تعمیر وغیرہ میں صرف کر دیا جائے گا کیونکہ یہ امور مصارف بیت المال میں داخل ہیں اور ان امور میں صرف کرنا بیت المال میں جمع کروانے کے قائم مقام ہے۔ اور اگر اس کے ورثاء خاندان کے افراد، عصبات وغیرہ میں سے کوئی موجود ہو تو تفصیل لکھ کر دوبارہ حکم معلوم کریں۔