مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
قسطوں پرخریدوفروخت
سوال
ہمارےہاں مروّجہ اقساط کالین دین جس کی تفصیل کچھ یوں ہیں۔پہلی بات یہ کہ اس کاروبارمیں ایک چیزکےدو ریٹ ہوتےہیں۔مثلاًایک چیزکی قیمت نقدکی صورت میں سات ہزارروپےتوقسطوں کی صورت میں دس ہزارروپےہوتی ہے۔دوسری بات یہ کہ اس دس ہزارروپےکی مدت آٹھ مہینےہےاگرمتعاقدین میں سےکوئی ایک یہ کہےکہ اس مذکورہ چیزکےپیسےپانچ ماہ میں پورےہوجائیں گےاوردس ہزارکےبجائےآٹھ ہزاردونگااوردوسراقبول کرلیتاہے،تویہ صورت کیسی ہے؟
جواب
کسی چیزکوادھار مہنگی اورنقدپرسستی بیچناشرعاًجائزہے،یہ سودکےزمرےمیں داخل نہیں ہے،البتہ ادھارکی بیع جائزہونےکےلئےچندشرائط کالحاظ کرناضروری ہے۔
نمبر۱۔خریدوفروخت کرنےوالےدونوں افرادپرلازم ہےکہ وہ مجلس عقدہی میں مبیع کی قیمت اورادائیگی کی مدت متعین کرلیں تاکہ بعدمیں جھگڑےکااندیشہ نہ ہو.
نمبر۲۔وقت مقررہ پرادائیگی نہ کرنےکی صورت میں مزیدرقم کی ادائیگی کی شرط نہ لگائی جائے۔
نمبر۳۔وقت مقررہ سےپہلےاداکرنےکی صورت میں قیمت میں کمی کی شرط نہ ہو۔
صورتِ مسئولہ میں ان شرائط کالحاظ نہیں کیاگیااس لیےشرعاًیہ معاملہ جائزنہیں ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
