واضح رہے کہ اگر پلاٹس کی خریداری کے لیے قرعہ اندازی کا فارم خریدار سے فارم پر آنے والے حقیقی اخراجات کے بقدر رقم لے کر جاری کیا گیا ہو اور پھر قرعہ اندازی میں نام نہ نکلنے پر وہ رقم سروس چارجز کے نام پر کاٹ دی جاتی ہو تو شرعاً ایسی قرعہ اندازی میں شامل ہو کر پلاٹ خریدنے کی گنجائش ہے ، البتہ اگر فارم خطیر رقم لے کر جاری کیا جاتا ہو جیسے سوال میں مذکور ہے تو اس صورت میں قرعہ اندازی میں نام نہ نکلنے پر حاملِ فارم کی رقم میں سے حقیقی اخراجات کے علاوہ رقم سروس چارجز کے طور پر رکھنا ہر گز جائز نہیں اور اس طرح کی قرعہ اندازی میں شامل ہو کر پلاٹ خریدنے سے اجتناب کیا جائے اور یہ بات بھی واضح رہے کہ قرعہ اندازی کا فارم سوسائٹی کے مالکان کو دیے جانے والے قرض کی رقم کی رسید ہوتی ہے ،لہذا حاملِ فارم اگر قرعہ اندازی سے پہلے خریدا ہوا فارم کمی بیشی کے ساتھ آگے فروخت کرے گا تو یہ معاملہ سود اور غرر پر مشتمل ہونے کی وجہ سے حرام ہوگا ۔