مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
قرض کی ادائیگی کرنے کے بعد رقم کا کم نکل آنا
سوال
مسئلہ یہ ہے کہ ایک شخص پیسے قرض لیتا ہے اور جب قرض واپسی کرتا ہے ،تو لینے والا پیسے گنتی نہیں کرتا،کہ مجھے آپ پر اعتماد ہے مگر جب بعد میں گنتا ہے تو کم نکلتے ہیں آیا اس کو کمی میں رجوع کا حق ہے یا نہیں ؟ جواب عنایت فرما کر ممنون فرمائیں ؟
جواب
شریعتِ مطہرہ میں معاملات کی صفائی پر بڑا زور دیا گیا ہے ،لہذا معاملات کسی بھی قسم کے ہو ں ان کو خوب جانچ پڑتال کے ساتھ مکمل کرنا چاہئے۔
صورتِ مسئولہ میں قرض خواہ (قرض دینے والے) کو چاہئے تھا کہ وہ قرض وصول کرتے وقت رقم گن کر لیتا ،اب جب رقم کم نکل آئی ہے تو قرض خواہ رقم کی کمی پر گواہ پیش کرکے بقایا رقم وصول کر لے ، البتہ اگر قرض خواہ گواہ پیش نہ کرسکا تو مقروض قسم اٹھا کر کہے کہ میں نے پوری رقم ادا کی تھی تو پھر قرض خواہ کو اس صورت میں بقایا رقم وصول کرنے کا کوئی حق نہیں اور اگر مقروض قسم اٹھانے سے انکار کر دے تو اس (مقروض) پر بقایا رقم کی ادائیگی لازم ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
