مسئلہ یہ ہے کہ ایک صاحب اپنے ایک عزیز سے ملاقات کے لئے گئے ،ملاقات کے اختتام پر ان عزیز نے انہیں اپنے ایک متعلق سے قرض لے کر ہدیہ دیا ،لیکن قرض اس انداز سے لیا کہ نہ قرض لینے والے کو رقم کا معلوم ہے اور نہ ہی قرض دینے والے کو صرف مہمان کو پتہ ہے کہ رقم کتنی ہے، مثلاً؛ صورت حال یوں بنی کہ قرض دینے والے نے بٹوہ آگے کیا جس سے مستقرض(قرض لینے والا) نے دیکھے بغیر رقم لی اور آگے اپنے مہمان کو بطورِ ہدیہ دے دی اور مقرض (قرض خواہ)سے یہ کہا کہ یاد رکھنا یہ رقم میرے ذمے تمہارا قرض ہے ، اب جب مہمان واپس آکر اپنی گاڑی میں بیٹھا تو اسے کچھ شبہ ہوا تو اس نے قرض دینے والے سے معلوم کیا کہ آپ دونوں کا یہ معاملہ قرض کا ہے یا ہدیہ کا ہے؟اورکیا تمہیں اس قرض کی مقدار معلوم ہے ؟تو اس نے کہا نہیں ۔ اب معلوم یہ کرنا ہے کہ اس طرح مجہول رقم کا قرض لینا دینا شرعاًکیسا ہے ؟ اور اگر مہدی ٰ لہ(جس کو ہدیہ دیا گیا) کو معلوم ہوجائے کہ ان دونوں حضرات کو اس قرض کی مقدار کا علم نہیں تو اس کے لئے اس رقم کے استعمال کرنے کا کیا حکم ہے ؟