نمبر۱۔ سورۃ نباء کی مذکورہ آیت کریمہ میں تجارتی معاملات میں فریقین کی رضا مندی کے عنصر کو اجاگر کیا گیا ہے جس کا حاصل یہ ہے کہ فریقین کے درمیان کوئی بھی معاملہ یا معاہدہ باہمی رضا مندی کے بغیر انجام نہیں پائے گا اس اصول کے تحت معاملات میں باہمی رضامندی ایک لازمی جز ہے۔خریدو فروخت کے معاملے میں فریقین مبیع (بیچی جانے والی چیز) کی کسی بھی قیمت پر معاملہ کرنے میں آزاد ہیں۔ مارکیٹ کے عرف کے مطابق،دھوکہ دہی کے بغیر کسی بھی قیمت پر بیع ہو جائے تو وہ مذکورہ آیت کے خلاف نہیں ہوگا لیکن اگر بائع(بیچنے والا) نے خریدار کی لاعلمی یا مجبوری سے فائدہ اٹھا کر غیر معمولی منافع حاصل کیا تو ایسا کرنا درست عمل نہیں ہوگا اور حاصل کردہ کمائی بھی طیب نہیں ہوگی خواہ اس معاملہ میں خریدار کی ظاہری رضا مندی ہی کیوں نہ ہو۔