مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
فرض نماز کےبعد دعا کا ثبوت اورمسنون طریقہ
سوال
نما زکے بعد دعا مانگنے(خواہ انفرادا ہو یا اجتماعًا)کا کیا حکم ہے؟ اور مسنون طریقہ کیا ہے؟
جواب
احادیثِ طیبہ سے معلوم ہوتاہے کہ فرض نمازوں کے بعدکاوقت دُعا کی قبولیت کا ہے اور حضور اکرم ﷺ اور صحابہ کرام رضی اللہ عنہم سے نمازوں کے بعد دعامانگنا ثابت بھی ہے لہٰذا امام، مقتدی اورمنفردسب کے لئے فرائض کے بعد(جن فرائض کے بعد سنتیں ہیں ان کے بعد مختصراً اور جن کے بعد سنتیں نہیں ہیں ان کے بعد قدرے طویل ) دُعا مانگناشرعاً مستحب ہے،البتہ یہاں یہ سمجھناضروری ہے کہ یہ دعاآہستہ اور چپکے چپکےسےانفراداً مانگناافضل ہے اوردعاکے معاملے میں مقتدی امام کاتابع نہیں ہے ،ہرنمازی اپنی رغبت کے مطابق امام سے کم یازیادہ دیر تک دُعامانگ سکتاہے،لہٰذابآوازِ بلند اجتماعی دُعامانگنے کامعمول نہیں بناناچاہیے، اگر کبھی کبھی امام بلندآواز سے دُعاکرے اور مقتدی اس پر آمین کہیں تو تعلیماً یہ بھی جائز ہے بشرطیکہ دُعاکے وقت اپنی نمازمکمل کرنے والوں کی نماز میں خلل واقع نہ ہو۔
واضح رہے کہ جب اس موقع پر امام اور مقتدی سب ہاتھ اُٹھاکراپنی اپنی دعاکریں گے توخود بخود اجتماعی دُعا کی شکل پیداہوجائے گی یہ اجتماع ایک ضمنی امرہے لہٰذا اس میں کوئی حرج نہیں۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
