زكوٰة كی رقم مستحقِ زکوٰۃ شخص کو مالک بناکر دیناشرعاً لازم ہے ،صرف طلبہ کی تعلیم وتربیت پر خرچ کرنے سے زکوٰۃ ادانہیں ہوتی ، البتہ جہاں مدرسہ کی واقعی ضرورت ہواور زکوٰۃ وصدقاتِ واجبہ کے علاوہ دوسرے مدکی رقم میسر نہ ہویاناکافی ہوتوزکوٰۃاورچرمہائے قربانی کی مدمیں حاصل شدہ رقم تملیک کے بعد طلبہ کی تعلیم وتربیت پرخرچ کرنے کی گنجائش ہے اور تملیک کابے غبار طریقہ یہ ہے کہ کسی مستحقِ زکوٰۃ شخص سے یہ کہاجائے کہ’’تم کسی سے اتنی رقم لے کرمدرسہ میں عطیہ کے طورپر دے دو،اس قرض کی ادائیگی میں تمہاری مددکی جائے گی۔‘‘چنانچہ وہ شخص کسی سے قرض لے کر مدرسہ میں دیدے ،بعدمیں زکوٰۃیاچرمہائے قربانی کی رقم سے اس کی مددکی جائے اس طرح کرنے سے زکوٰۃ بھی ادا ہوجائے گی اور اس شخص نے قرض لے کر جو مدرسہ میں چندہ دیااسے تعلیم وتربیت پرخرچ کرنابھی جائزہے۔