مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
غصہ کی حالت میں تین طلاقيں دینا
سوال
سائل کا اپنی بیوی سے کسی بات پر جھگڑا ہورہا تھا سارے گھر والے ،محلہ دار اور سائل کی بیوی کے گھر والے بھی جمع تھے اسی جھگڑے میں سائل کے بھائیوں نے سائل کو مارنا پیٹنا شروع کردیا،تو سائل نے غصہ میں آکر کہہ دیاکہ میں اپنی بیوی کو تین(3) طلاق دیتا ہوں اس کو ابھی اسی وقت یہاں سے لے جاؤ ،میرا اس سے کوئی رشتہ نہیں اور سائل نے یہ بات اس مجلس میں کئی بار کہہ دی ۔تو کیا سائل کی بیوی کو تین طلاقیں واقع ہوگئی ہیں ،اور اگر رجوع کریں تو اس کا کیا طریقہ کارہے۔
جواب
سوال میں ذکرکردہ وضاحت کے مطابق جب سائل نے غصہ میں آکر یہ کلمات کہے کہ ’’میں اپنی بیوی کو تين طلاق دیتاہوں‘‘ تو ایسی صورتِ حال میں قرآن وسنت کی رُو سےتین طلاقیں واقع ہوکر حرمتِ مغلظہ ثابت ہوگئی ہےاورنکاح ختم ہوگیاہے۔ اب موجودہ صورتِ حال میں دونوں ایک دوسرے کے لئے اجنبی بن چکے ہیں۔ لہٰذا دونوں کے لئے ایک ساتھ رہناجائزنہیں، نہ تو آپس میں رجوع کرسکتے ہیں اور نہ ہی نیانکاح کرکے اکٹھے رہ سکتے ہیں، البتہ اگر خاتون عدتِ طلاق گذارنے کے بعد کسی دوسرےشخص سے نکاح کرے اورہمبستری بھی ہوجائے پھردوسرے شوہرکا انتقال ہوجائے یا وہ کسی وجہ سے اسے طلاق دے دے تو عدت گزرنے کے بعد سائل اس عورت کے ساتھ اس کی رضامندی سے شادی کرسکتا ہے ،لیکن یہ بات ذہن نشین رکھنا ضروری ہے کہ دوسری جگہ مستقل رہنے کی نیت سے نکاح کرناچاہیئے، اورصرف حلالہ کی شرط پر نکاح کراناناجائز، گناہ اور موجبِ لعنت ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
