مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
عین موقع پر خریداری کا آرڈرکینسل کرنے کی صورت میں نقصان کا ذمہ دار کون ؟
سوال
ہماری کمپنی مختلف لو گوں سے چیزیں خریدتی ہیں بعض مو قعوں پر خریداری کا آرڈر کینسل کرناپڑتاہے۔ اگر درج ذیل صورتحال ہوں تو ان کے شرعی احکام بتلاکر عند اللہ ماجورہوں ۔
خریداری کرنے کا آرڈر اگر خریدار اپنی کسی غلطی، غلط فہمی یا اپنی کسی غرض کی وجہ سے کینسل کرے تو اگر سپلائر نے آرڈر کے مطابق سارا سامان تیارکرلیا ہو اور اس سامان کو کسی اور گاہک کو دینااس کے لئے ممکن نہ ہو تو ایسی صورت میں شرعی حکم کیاہے ؟ واضح رہے کہ سپلائر سےکبھی تیار شدہ اشیاء خریدی جاتی ہیں اور کبھی آرڈرپر تیار کر وائی جاتی ہیں ۔
جواب
مذکورہ صورت میں سپلائر خریدار سے اپنے حقیقی اور واقعی نقصان کی تلافی کامطالبہ کر سکتاہے ۔البتہ سوال میں ذکر کردہ دوسری صورت میں اگر واقعتاًمنیجر کی کوتاہی پائی گئی ہوکہ اس نے کمپنی کی طرف سے طے شدہ شرائط کی خلاف ورزی کرتے ہوئے آرڈر دیا تو اس صورت میں نقصان کی ذمہ داری اس پر ہوگی ۔
تاہم واضح رہے کہ شرعاً صرف حقیقی اور واقعی نقصان کو پوراکرنے کی وضاحت یہ ہے کہ دوسری جگہ مال فروخت یانیلام کرنے میں اس مال کی خریداری پر آنے والی لاگت سےبھی کم رقم وصول ہو، لیکن اگر دوسری جگہ نیلام کرنےمیں کم نفع ہو یا نفع بالکل بھی نہ ہو ( لاگت اور قیمت فروخت برابر ،برابر ہو جائیں)تو اس رقم سے اپنانقصان پوراکرنے کی اجازت نہیں۔ (تجارتی کمپنیوں کالائحہ عمل، المعائر الشرعیہ،المرابحہ للآمربالشراء: الرقم8)
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
