صورت مسئولہ میں چونکہ مذکورہ عورت کا کوئی شرعی محرم نہیں تو اصل مذہب احناف کے مطابق ان کا حج کے لیے بغیر محرم کے جانا جائز نہیں ،اور ایسی صورت میں ان کے لیے حج پر جانا واجب بھی نہیں بلکہ وہ محرم ملنے کا انتظار کریں ،اور حج پر نہ جانے کی وجہ سے گناہ گار بھی نہ ہوگی البتہ اگر کوئی محرم نہ ملے تو ان پر وصیت کرنا لازم ہے کہ اگر وہ اپنی زندگی میں حج نہ کرسکیں تو ان کے مرنے کے بعد ان کے ترکہ کے تہائی سے حج بدل کرا دیا جائے ۔ لیکن اگر عورت عمر رسیدہ ہو اور فتنے کا اندیشہ نہ ہو اور ایسا گروپ ہو جس میں قابل اعتماد خواتین ساتھ ہوں تو فقہ شافعی اور مالکی کے مطابق ایسی عورت کے لیے حج کی گنجائش ہے اور حج ادا ہوجائے گا۔