مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
عدالت سے خلع کی جاری ڈگری کا حکم
سوال
محمد ایوب کی بیوی نے نان ،نفقہ اور سکنی کی عدم ادائیگی اورمحمدایوب کی طرف سے سخت بدسلوکی کی وجہ سے اس کے ساتھ نباہ ناممکن ہو نے کی وجہ سے عدالت میں خلع کا دعوی کیا ،شوہر نے عدالت میں حاضر ہوکردعوی کا یہ جواب دیا کہ میں اس کو مسلسل خرچہ اور سکنی ٰمہیا کرتا رہا ہوں اور آئندہ بھی کروں گا ۔جج نے شوہر سے یہ پوچھا کہ کیا تم حلفیہ یہ کہہ سکتے ہو کہ تم خرچہ ادا کرتے رہے ہو تو اس پر شوہر نے نہ تو قسم اٹھائی اور نہ ہی واضح الفاظ میں قسم اٹھانے سے انکار کیا ،بلکہ بات کو گول مول کرکے چھوڑدیا ۔اور پیشی کی تاریخ کا علم ہوتے ہوئے بھی جان بوجھ کرآئندہ کی دو پیشیوں میں حاضر نہیں ہو ا ،تو عدالت نے شوہر کے حاضر نہ ہونے کی وجہ سے بیوی کے حق میں خلع کی ڈگری جاری کردی ۔تو کیا عدالت کے اس فیصلے سے شرعاً ان کا نکاح ختم ہو چکا ہے یا نہیں ؟اور اگر نکاح ختم نہیں ہو ا تو کیا پنچایت میں یہ معاملہ لے کے جاسکتے ہیں یا نہیں؟ اگر لے کے جاسکتے ہیں تو پنچایت کو کن شرائط کے ساتھ اس کا فیصلہ کرنے کا اختیار ہے ۔
جواب
سوال میں ذکر کردہ تفصیل اگر درست ہے تو اس صورت میں عدالت نے بیوی کے حق میں جو ڈگری جاری کی ہے یہ شرعاً تعنت کی بنیاد پر صحیح ہے ،اس فیصلہ میں گو عدالت نے تعنت کو صراحۃ ً فسخ نکاح کی بنیا د نہیں بنایا ،بلکہ فیصلہ خلع کی بنیاد پر کیاگیاہے جو شرعاً درست نہیں، لیکن چونکہ اس فیصلہ میں فسخ نکاح کی بنیا د فی الجملہ موجودہے یعنی شوہر کا متعنت ہو نا او رپھر اس کی طرف سےنکول بھی پایا گیا ہے لہٰذا نکول کی بنیاد پر یہ نکاح فسخ سمجھا جائیگا اور مذکورہ خاتون ایوب کے نکاح سے خارج سمجھی جائے گی اور عدت پوری ہونے کے بعد اگروہ چاہےتواپنےاولیاء کی سرپرستی میں دوسری جگہ نکاح کرسکتی ہے ۔واضح رہے کہ عدت کی ابتداعدالت کے فیصلےکے دن سے ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
