مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
طلاق ِ ثلاثہ اور حلالہ کا شرعی طریقہ
سوال
ہماری 2008 میں شادی کے ساتھ ہی جھگڑے شروع ہو گئے میرے میاں نے تین چار مرتبہ صاف کاغذ پر طلاق لکھ کر بھیج دی جس پر صرف ان کے اپنے دستخط ہی تھے کوئی گواہ نہیں تھا۔ اس کے بعد 2011 اکتوبر اس نے ایک اشٹامپ پیپر پر طلاق بھیج دی اس میں اس کے اپنے دستخطوں کے ساتھ گواہوں کے دستخط بھی ہیں اس کے بعد میرے میاں نے یونین کونسل میں بھی دے دی 90 دن کے اندر اندر انہوں نے زبانی کہا کہ میں طلاق واپس لیتا ہوں اس پر یونین کونسل والوں نے سرٹیفکیٹ جاری کر دیا۔ اب وہ کہتے پھر رہے ہیں کہ انہوں نے علماء سے پوچھا ہے کہ وہ اب بھی صلح کر سکتے ہیں چونکہ میرے میاں کے نزدیک زبانی طلاق کوئی معنی نہیں رکھتی اس طرح سے ہمارے درمیان صرف ایک طلاق بائن ہوئی ہے اس لیے ہم تجدید نکاح کر سکتے ہیں۔
جواب
سوال میں ذکر کردہ تفصیل اگر درست ہے تو اس صورت میں تین طلاقیں واقع ہو کر حرمت ِمغلظہ ثابت ہو گئی ہے اور ایک دوسرے پر حرام ہو گئے ہیں۔ سائلہ کے لیے جائز نہیں کہ وہ مزید اس شخص کے ساتھ زندگی بسر کرے ۔اب سائلہ کہیں اور نکاح کرنے میں آزاد ہے۔
واضح رہے کہ حلالہ کی شرط پردوسری جگہ شادی کرنا ناجائز اور گناہ ہے۔ البتہ اگر عدت گزارنے کے بعد کسی دوسرے شخص سے نکاح کر لیں اور ہمبستری بھی ہو جائے پھر دوسرے شوہر کا انتقال ہو جائے یا وہ کسی وجہ سے طلاق دے دے تو عدت گزرنے کے بعد پہلے شوہر کے ساتھ نئے مہر کے عوض نیا نکاح کرنا جائز ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
