مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
شیعہ کےساتھ نکاح کاحکم
سوال
سنی حنفی مرد روافض عورت کےساتھ نکاح کرسکتاہےیانہیں ،اگرکوئی علامہ ایساکرےتواس کےلیےکیاحکم ہوگیا۔
جواب
اگرکسی مردیا عورت کے عقائدکفریہ ہوں ،مثلاًحضرت علی رضی اللہ عنہ کو خدا مانتےہوں، یا موجودہ قرآن کریم کو کامل نہ سمجھیں، یا یہ سمجھیں کہ حضرت جبرئیل علیہ السلام سے وحی لانے میں غلطی ہوئی یعنی وحی تو حضرت علی پرلانی تھی ،لیکن بھول کر حضرت محمد ﷺ پر لے آئےیا حضرت صدیق اکبر رضی اللہ عنہ کی صحابیت کاانکار کرتے ہوں یا حضرت عائشہ رضی اللہ عنہا پر لگائی جانے والی تہمت کو سچ مانتے ہوں یا ائمہ کرام کو انبیاء علیہم السلام سے افضل سمجھتے ہوں،یا اسی طرح کوئی اور صریح مخالفِ قرآن کفریہ عقیدہ رکھتےہوں تو وہ باجماع ِ امت کافر اوردائرہ اسلام سے خارج ہو جاتا ہے؛جس سے نہ نکاح جائز ہےاورنہ ہی اس سےنکاح منعقد ہوتاہے۔خواہ وہ کو ئی بھی شخص ہو ۔
اگر نکاح کر لیا جائے تو فوراً علیحدگی ضروری ہےاور اس گناہ پر اللہ تعالیٰ سے معافی مانگی جائےاور توبہ و استغفار کی جائے۔ کسی عالم آدمی کے لئے ایسا کر نے میں زیادہ سخت گناہ ہو گا۔
اور اگر کفریہ عقیدہ نہ ہوبلکہ صرف حضرت علی رضی اللہ عنہ کو خلفاءِ ثلاثہ پر فضیلت دیتے ہوں تو اس سے بھی نکاح نہیں کرنا چاہئے ، لیکن جب اس سے نکاح کرلیا گیاتو نکاح تومنعقد ہوگیا۔اب شوہر کو چاہیے کہ اس عورت کی اصلاح کی کوشش کرتارہے،اگر اصلاح نہ ہو تو طلاق دےسکتاہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
