مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
شیعہ لڑکے سے نکاح کرنا
سوال
کیا سنی شیعہ کا نکاح نہیں ہوسکتا؟ کونسے شیعہ لڑکے سے نکاح نہیں ہوتا؟ اگر کوئی بارہ امام مانتا ہو کہ وہ معصوم ہے اللہ کے طرف سے ہے۔ باقی کوئی کفریہ عقائد نا ہو تو اس سے نکاح جائز ہے سنی لڑکی کا یا نہیں؟ اگر لڑکا ہر چیز سے زبانی انکار کریں تو کیا نکاح جائز ہوگا۔
اگر لڑکا نکاح سے پہلے ہر چیز کا انکار کریں کہ یہ قرآن میں نہیں ہے تو میں نہیں مانتا اور شادی کے بعد وہ دوبارہ وہی عقائد رکھے جو پہلے تھے تو اس صورت میں نکاح کا کیا ہو گا؟ کیا اس سب کا گناہ لڑکی کو ہوگا؟ اگر لڑکا زبان سے انکار اور دل سے وہی عقائد مانتا ہو اور لڑکی اس کے زبانی انکار پر یقین کریں نکاح جائز ہوگا یا نہیں؟
جواب
جو شخص کفریہ عقائد رکھتا ہو ، مثلاً :قرآن مجید میں تحریف کا قائل ہو، یا حضرت علی رضی اللہ عنہ کو خدا مانتا ہو، یا جبرائیل علیہ السلام سے وحی پہنچانے میں غلطی کا عقیدہ رکھتا ہو، یا حضرت ابوبکر صدیق رضی اللہ عنہ کی صحابیت کا انکار کرتا ہو، یا حضرت عائشہ رضی اللہ عنھا پر تہمت لگاتا ہو وغیرہ۔ تو ایسے شخص کے ساتھ مسلمان لڑکی کا نکاح ناجائز اور باطل ہے۔ اگرچہ وہ اپنی زبان سے ان کفریہ عقائد کا انکار کرے۔ چونکہ عموماً یہ لوگ جھوٹ کو حلال سمجھتے ہوئے تقیہ بھی کرتے ہیں اور اپنے عقائد کو چھپاتے ہیں اس لیے ان کے ساتھ نکاح کرنے سے بہرحال اجتناب کرنا چاہیے۔ اور اگر کوئی شخص یہ عقیدہ رکھتا ہو کہ بارہ امام من جانب اللہ معصوم ہے تو وہ شخص گمراہ ہے اس شخص سے بھی سنی لڑکی کا نکاح ہرگز نہ کیا جائے
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
