مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
شیعہ لڑکے سے نکاح کا حکم
سوال
میرے والد اہل تشیع سے ہے، میں سنی ہوں، بچپن سے میں اہل سنت و الجماعت سےمنسلک ہوں، میں دل و زبان سے اقرار کرتا ہوں کہ میں سنی ہوں، میرا عقیدہ سنی مسلک کا ہے، میرے دوست رشتہ دار محلے والے سب گواہ ہیں۔ میں اب ایک سنی لڑکی سے شادی کرنا چاہتا ہوں، لیکن لڑکی کے والد یقین نہیں کرتے وہ کہتے ہے کہ میری اور میری بیٹی کی قبر خراب ہو جائے گی اگر میں نے یہ رشتہ کیا۔ میں نے کئی فتوے لیے ،جس میں یہ بات ہے کہ لڑکا سنی ہو تو نکاح ہو سکتا ہے۔ لڑکی کے والد چاہتے ہیں کہ میں کسی جامعہ دار العلوم جا کر اپنے عقیدہ کا مفتی کے سامنے بھی اقرار کروں ،میں اس کے لیے بھی تیار ہوں، میرے والد اہل تشیع سے ہے ۔عقیدہ کفریہ نہیں ہے، میری والدہ سنی ہے۔ مجھے اس بات کا جواب چاہیے کہ
کیا میرے ساتھ اس لڑکی کا شرعی نکاح ہو سکتا ہے؟
اگر لڑکی کا والد یہ نکاح کرتا ہے تو اس کو گناہ ہو گا؟
کیا اس نکاح سے لڑکی کی قبر خراب ہو گی؟
کیا شیعہ سنی کا نکاح نہیں ہو سکتا؟
میں لڑکی کا غیر کفو ہوں، اگر لڑکی کے والد میر ے ساتھ نکاح کروا دے تو یہ نکاح منعقد ہو جائے گا؟
لڑکا لڑکی کے کفو کا نہ ہو اور لڑکی کا والد نکاح کریں ایسا نکاح شرعاً منعقد ہوتا ہے؟
میرا اس لڑکی سے پہلے کورٹ میرج ہوا تھا جو کہ غیر کفو کی وجہ سے منعقد نہیں ہوا۔ مہربانی فرما کر مجھے میرے تمام سوالوں کے جوابات قرآن و حدیث کی روشنی میں دیں۔
جواب
سائل اگر واقعۃًسنی ہے اور اہل سنت و الجماعت کے عقائد پر کار بند ہے تو اس کے ساتھ سنی لڑکی کا نکاح درست ہے لیکن اگر وہ سنی نہیں ہے بلکہ شیعہ ہے اور تقیہ کے طور پر خود کو سنی ظاہر کرتاہے تو سنی لڑکی کا اس سے نکاح ہر گز نہ کروایا جائے۔
جو شخص کفریہ عقائد رکھتا ہو مثلاً قرآن مجید میں تحریف کا قائل ہو، یا حضرت علی رضی اللہ عنہ کو خدا مانتا ہو، یا جبرائیل علیہ السلام سے وحی پہنچانے میں غلطی کا عقیدہ رکھتا ہو، یا حضرت ابوبکر صدیق رضی اللہ عنہ کی صحابیت کا انکار کرتا ہو، یا حضرت عائشہ رضی اللہ عنھا پر تہمت لگاتا ہو وغیرہ۔ تو ایسے شخص کے ساتھ مسلمان لڑکی کا نکاح ناجائز اور باطل ہے۔ اگرچہ وہ اپنی زبان سے ان کفریہ عقائد کا انکار کرے۔ چونکہ عموماً یہ لوگ جھوٹ کو حلال سمجھتے ہوئے تقیہ بھی کرجاتے ہیں اور اس کی آر میں اپنے عقائد کو چھپاتے ہیں، اس لیے ان کے ساتھ نکاح کرنے سے مکمل اجتناب کرنا چاہیے۔ اگر لڑکی اور اس کے والد کو یقین ہے کہ یہ لڑکا سنی نہیں تو اس سے اپنی بیٹی کا نکاح کروانے کی صورت میں دونوں گناہ گار ہونگے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
