مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
شوہر کے حقوق، صلح کی ترغیب، ولی اقرب کے ہوتے ہوئے ولی بعید کا نکاح کرنا
سوال
مسئلہ یہ ہے کہ ایک عورت اپنے شوہر کو گھر سے نکال دیتی ہے اور خود گھر کی سربراہ بن جاتی ہے ،بیٹیوں کے رشتے وغیرہ خود کرواتی ہے ،بازار بھی خود آنا جانا کرتی ہے ایسی عورت کے بارے میں کیا حکم ہے ؟
جواب
اسلام میں شوہر کے حقوق کو بہت اہمیت دی گئی ہے ،آپ ﷺ کی تعلیم یہ ہے کہ :اگر غیراللہ کو سجدہ جائز ہوتا تو میں بیوی کو حکم دیتاکہ وہ اپنے شوہر کو سجدہ کرے ،لہذا مذکورہ عورت کا اپنے خاوند کو گھر سے بے دخل کرنا انتہائی قبیح عمل ہے اور چونکہ عام طور پر گھر شوہر کاہوتا ہے تو اس کو اسی کے گھر سے بے دخل کرنا بھی ظلم ہے ،اسی لیے مذکورہ عورت کو چاہیے کہ وہ شوہر سے صلح صفائی کر لے اور معافی مانگ کر اس کے حقوق کی ادائیگی کرے اور آئندہ حقوق تلفی سے اجتناب کرے ۔
باپ چونکہ بیٹیوں کا قریبی ولی ہے اور اس کی موجودگی میں ماں بغیر اس کے مشورے کے بیٹیوں کا رشتہ کرنے کا حق نہیں رکھتی ،البتہ باہمی مشورہ سے ہو تواس طرح رشتہ کرنا درست ہے ،نیز عورت کا بلا ضرورت اور شوہر کی اجازت کے بغیر گھر سے نکلنا جائز نہیں ، ہاں بوقتِ ضرورت شوہر کی اجازت سے پردے کی رعایت کے ساتھ باہر جا سکتی ہے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
