مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
شوہرنےبیوی کوکہا”آج سے میراتیرا رشتہ ختم ” نکاح باقی ہے یاختم ہوگیا
سوال
میرےشوہرکا رویہ میرےساتھ شروع ہی سےبُرا رہا، اورچھوٹی چھوٹی باتوں پرتنگ کرتا ہے،اوراس کی وجہ سےمیری زندگی تنگ ہوگئی ہے، ہروقت ایک ہی بات کہتاکہ آج سےمیراتیرا رشتہ ختم ، پھرکہتاکہ میرامقصد ان الفاظ سےطلاق دینانہیں کیا اس صورت میں طلاق واقع ہوجائی گی یانہیں؟
جواب
سوال میں مذکور صورتِ حال اگرواقع کے مطابق ہے تو شوہرکے یہ الفاظ’’آج سے میراتیرا رشتہ ختم‘‘ الفاظِ کنایات میں سے ہیں ، ان الفاظ سے طلاق واقع ہونے کا دارومدار شوہرکی نیت پرہے ، اگرشوہرطلاق کی نیت سے یہ الفاظ کہے توطلاقِ بائن واقع ہوجاتی ہے اور اگر یہ الفاظ کہتے ہوئے شوہرکی نیت طلاق دینے کی نہ ہو تو ان الفاظ سے طلاق واقع نہیں ہوتی ، مذکورہ صورت میں شوہرکے بقول یہ الفاظ کہتے وقت اس کی نیت طلاق کی نہیں ہوتی تھی اس لئے طلاق واقع ہونے کاحکم نہیں لگایاجاسکتا۔تاہم سوال میں جوحالات مذکور ہیں وہ بہت پریشان کن ہیں ، ان حالات پر اگر آپ صبرکرتی رہیں توامید ہے کہ اللہ کے ہاں اجرملے گالیکن اگر آپ کے لئے صبرکرنا ممکن نہ ہوتو ایسے حالات میں شوہر کی رضامندی سے طلاق یا خلع لینے کی شرعاً اجازت ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
