مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
زکوٰۃمیں مکان دے اور یہ نہ بتائے کہ تم اس کے مالک ہو
سوال
نمبر1:۔ ایک صاحب کی ملکیت میں درجہ ذیل اشیاء موجود ہیں کیا ان صاحب کو زکوۃدے سکتے ہیں ؟
نمبر2:۔اگر کوئی شخص ان صاحب کو زکوۃ کی مد میں سے مکان دینا چاہے اور ان کی ملکیت بھی کردے لیکن ان کو یہ نہ بتلائے کہ تم اس کے مالک ہو کیا اس کی اجازت ہے ؟
سامان کی تفصیل: 1:۔زیور کی مالیت ،تقریبا 40،000،روپے کالیاتھا ۔ 2:۔اہلیہ نے کوئی قرضہ نہیں لیا ہوا۔ 3:۔بندہ نے (آدمی نے )قرضہ لیاہواہے،کرائے مکان ایڈوانس کے لئے اور مو ٹر سائیکل کے لئے بھی قرضہ لیاہواہے تقریباً50ہزارکی موٹر سائکل موجودہے ۔ 4:۔مکان کرائے کاہے ۔ 5:۔استری ہے ،واشنگ مشین ہے،فریج (1)ایک عدد برائے مشترکہ اہل خانہ استعمال۔ 6:۔برتن شوکیس موجود ہے ،سنگھار فریم موجودہے ،صوفہ بیڈ کیبل موجود ہے ۔ 7:۔ دوعددچارپائی موجودہے ،پیٹی لوہا ایک عدد بڑی موجود ہے گرمی سردی کے کپڑےاور بقیہ سامان رکھنے کے لئے ۔ 8:۔ٹی وی نہیں ہے ۔ 9:۔پانی اسٹاک کرنے کے لئے ڈرم موجود نہیں ہے ۔ 10:۔بندہ اور اہلیہ دونوں کے پاس مو بائل موجود ہے ۔ 11:۔ اخراجات کے پیش نظر سارا بجٹ ماہانہ کا کرائے اور بلو ں میں چلاجاتاہے اور بیٹا بھی وقت کے ساتھ ساتھ پڑھنے لکھنے کی عمر کوہورہاہے ۔ 12:۔نقد تقریباً 20سے 25ہزارروپے موجودہیں،اور واضح رہے کہ زیور بیوی کی ملکیت ہے نہ کہ شوہر۔
جواب
نمبر:1۔ذکرکردہ صورتِ حال میں شخصِ مذکور زکوٰۃ کا مستحق ہے ، اسے زکوٰۃ دے سکتے ہیں۔
نمبر2 : ۔مستحقِ زکاۃ کومالک بناکرمکان دینے سے زکاۃ اداہوجاتی ہے اگرچہ یہ نہ بتایاجائے کہ تم اس کے مالک ہو، تاہم کاغذات میں بھی اس کی ملکیت واضح کردی جائے اور اس پردو امانت دارآدمیوں کوگواہ بھی بنالیاجائے تاکہ دینے والے کے ورثاءاس کے انتقال کے بعداس مکان کواپنے مورث کامکان سمجھتے ہوئے اس میں اپنی ملکیت کا دعویٰ نہ کرلیں اورکوئی قانونی پیچیدگی پیدانہ ہو۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
