نمبر۱۔ واضح رہے کہ قاضی فیصلہ کرتے وقت میاں بیوی دونوں کو سنے بغیر صرف بیوی کی بات سن کر نکاح ختم نہیں کرسکتاہے۔ البتہ وہ شوہر جو باجود قدرت کے اپنی زوجہ کے حقوق ، نان و نفقہ وغیرہ ادا نہ کرتاہواس صورت میں وہ شخص متعنت کہلائےگا ۔ اور زوجہ متعنت کےلیے سب سے پہلے لازم ہے کہ وہ شوہر سے کسی طرح طلاق یا خلع لےلے، اگر باجود کوشش کے طلاق یا خلع کی کوئی صورت نہ بن سکے تو عورت اپنا مقدمہ کسی قاضی کےپاس لے جائے اور قاضی شرعی شہادت کے ذریعے پوری تحقیق کرے، اگر عورت کا دعویٰ درست ثابت ہوجائے تو قاضی اس شوہرسے کہے گا کہ اپنی زوجہ کے حقوق ادا کرویا طلاق دو، ورنہ ہم تفریق کردیں گے ۔ اگر شوہر کسی صورت پر بھی عمل نہ کرےتو قاضی فریقین کے نکاح کو فسخ کرسکتاہے ۔ماخذہ حیلہ ناجزہ۔