مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
راس الما ل عروض واثاثہ جات کی شکل میں ہو تو شرکت کا طریقہ
سوال
ہم دو لوگ شرکت پر کا روبا ر کرنا چاہتے ہیں جب کہ ہما را راس الما ل عروض واثاثہ جات کی شکل میں ہے تو شرکت کاطریقہ کا ر کیا ہوگا ؟
جواب
اصولی حکم تویہی ہے کہ عقدِ شرکت نقدکرنسی میں کیا جائے، عروض واثاثہ جات میں عقدِشرکت منعقد نہیں ہوتا البتہ اگر دوآدمی اپنے اثاثہ جات میں شرکت منعقد کرنا چاہتے ہوں تو اس کا طریقہ یہ ہے کہ دونوں میں سے ہر ایک اپنے آدھے سامان کے بدلےدوسرے کا آدھا سامان خرید لے تواس طرح ہر ایک دوسرے کے سامان میں نصف کا مالک ہو جائےگااور سارے مال ميں دونوں مشتركہ طور پر مالک بن جائیں گے ۔پھر وہ آپس میں طے کر لیں کہ ہم اس مال کو کاروبار میں لگاتے ہیں نیز یہ کہ ہر ایک کے لئے منافع میں سے فیصدیانصف ، ثلث ،ربع وغیرہ کے اعتبار سے نفع بھی طے کرلیں تو ایسا کرنا درست ہوگا۔
واضح رہے کہ شرکت میں نقصان ہوجانے کی صورت میں ہرشریک اپنے سرمایہ کے تناسب سے نقصان کا ذمہ دار ہوگا، نیزیہ بھی ذہن میں رکھنا ضروری ہے کہ عقدِ شرکت کے وقت اگر کسی شریک کے بارے میں یہ طے ہو کہ وہ کام نہیں کرے گاتو اس کے لئے اس کے سرمایہ کے تناسب سے زیادہ نفع مقرر نہ کیاجائے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
