مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ذہنی مریض آدمی کا طلاق کے الفاظ کاادراک رکھتے ہوئے طلاق دینے کا حکم
سوال
کیا فرماتے ہیں علماء دین متین اس مسئلہ کے بارےمیں کہ شخص ِمسمیٰ گلزار احمد جو ہمیشہ سے پاگل پن زندگی میں ایام گزار رہا ہے ،آس پاس کے تمام لوگ اسکی حالت کے گواہ ہیں۔ کبھی گالیاں بکتا ہے کبھی ماں باپ بہن کے سامنے جسم کے تینوں کپڑے اُتار کر پھینک دیتا ہے کیونکہ ذہنی اعتبار سے ٹھیک نہیں ہوتے اور کسی وقت بالکل صحیح ہوتے ہیں ،یہ حالت اس کی ہمیشہ رہتی ہے۔ نام گلزار احمد ولد نور محمدآف وجن شریف ،حالیہ مو جود رہائش 25 کھال نزد بستی برَّا کے جو کسی تعارف کے محتاج نہیں ہیں ۔مذکور گلزار احمد گزشتہ دنوں اپنی بیوی سے جھگڑتے جھگڑ تےاُٹھ کھڑا ہوا اور تین بار کہا”میکوں رَن طلاق، میكوں رَن طلاق ،میکوں رَن طلاق “بالفاظ صریح طلاق مغلظہ بالثلٰثہ نعوذ بالله من ذلك ،لا حاجۃ فیہ یعنی گنجائش بھی نہیں رہی تین بار طلاق کہی گئی ہے مگر پاگل رہنے کی وجہ سے اسکی طلاق مضر نکاح نہیں ہے۔
جواب
ذہنی مریض کی دی ہوئی طلاق کا حکم
اگرمذکورہ شخص کی ذہنی حالت طلاق دیتے وقت اس قدر خراب تھی کہ سوچ سمجھ کر اور اپنے قصد و ارادہ سے بات کہنے اور کام کرنے کی صلاحیت ختم ہو چکی تھی اور اس حالت کی مستندڈاکٹروں نے بھی تصدیق کی ہو تو ایسی صورت میں طلاق واقع نہیں ہوئی ۔تاہم اگر اس کی ذہنی حالت ایسی تھی کہ طلاق کے الفاظ کہنے کا ادراک تھا ،ان الفاظ کی سمجھ بوجھ رکھتا تھا تو اس صورت میں تین طلاقیں واقع ہو کر حرمت مغلظہ ثابت ہو جائے گی۔اور اس کے بعد میاں بیوی دونوں کا اکٹھے رہنا ممنوع ہوگا جب تک تحلیل شرعی نہ ہو جائے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
