مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
دوطلاق دينےكےبعدپهردومرتبہ طلاق،طلاق کہنا اوربچوں کی حضانت ونان نفقہ کاحکم
سوال
نمبر۱۔زیدنےاپنی بیوی ہندہ کوبحالتِ غضب بھری محفل میں اوّلاًدومرتبہ صریح طلاق دی، اس دوران زیدکی سالی خالدہ نےزیدکےمنہ پرہاتھ رکھ دیاکہ ایسےمت کہو،زیدنےجبراًسالی خالدہ کاہاتھ ہٹاکرپھردومرتبہ طلاق ،طلاق کہا۔دریافت طلب امریہ ہےکہ کیازیدکےاس طرح چارمرتبہ طلاق کالفظ کہنےسےطلاقِ ثلاثہ واقع ہوگئی ہیں؟ اب زیدرجوع کرناچاہتاہےتوہندہ سےرجوع کی کیاصورت ہوگی؟
نمبر۲۔زیدکےہندہ سےچاربچے(دوبیٹےاوردوبیٹیاں) ہیں ان کےنان ونفقہ کاذمہ داراورحضانت کا حقدارکون ہوگاہندہ یازید؟واضح رہےکہ بچوں اوربچیوں کی عمرسات سال سےکم ہی ہے ۔
جواب
نمبر۱۔صور ت مسئولہ میں ہندہ پر تینوں طلاقیں واقع ہو کر حرمت مغلظہ ثابت ہوچکی ہے اورنکاح ختم ہو گیا ہے ۔لہٰذا اب شرعاً رجوع کی کو ئی گنجائش باقی نہیں رہی اور نہ ہی دوبارہ نکاح ہو سکتاہے۔ہندہ پر لازم ہے کہ زید سے بالکلیہ علیحدگی اختیار کر ے اور عدت گذرنے کے بعد کسی دوسرے شخص سے نکاح کر سکتی ہے ۔
نمبر۲۔بچوں کی پرورش کے سلسلے میں شرعی قانو ن یہ ہے کہ لڑکا سات سال اور لڑکی کےبالغ ہونے تک ان کی پرورش کا حق والدہ کو ہے۔صورت مسئولہ میں چونکہ بچوں کی عمر سات سال سے کم ہےاور بچیاں نا بالغہ ہیں ۔ اس لئے مذکورہ مدت تک وہ ماں کے پاس رہیں گے ؛بشرطیکہ وہ اس دوران بچوں کے كسی غیر ذی رحم محرم سے نکاح نہ کرے ياكوئی ایسی ملازمت اختیار نہ کرے کہ جس کی وجہ سےزیادہ تروقت باہر گزرے اور بچوں کے حقوق ضائع ہونے لگ جائیں۔ ورنہ ایسی صورت میں ماں کا حقِ پرورش ختم ہوجائیگا ،اس کے بعد پرورش کا حق نانی کو حاصل ہو گا،اور نانی کے نہ ہو نے کی صورت میں حق پرورش دادی کو حاصل ہو گا ۔ مذکورہ مدت کے بعدیہ حق والد کو حاصل ہوگا۔نیز پرورش کے دوران بچوں کا نان نفقہ شرعاً وقانوناً و الد پر لازم ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
