مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
دوسری اورتیسری طلاق عدت کےبعددینا
سوال
میں نے اپنی بیوی کو لڑائی کے دوران (جبکہ وہ دو بچوں کی ماں تھی )یہ کہاکہ میں تمہیں طلاق دیتاہوں، اب میراتم سے کوئی تعلق نہیں ،تم میری طرف سے فارغ ہو،(آخری دو الفاظ سے میرا مزید طلاق دینے کا ارادہ نہیں تھا)اس کے ایک ماہ بعد ہم نے بلانکاح رجوع کرلیا،پھردوسال بعد جبکہ اس عرصہ میں تین سے زیادہ ماہواریاں گزر چکی تھیں ، صریح لفظ ِ طلاق کے ساتھ ایک اور طلاق دی ،کچھ دنوں بعد رجوع کرلیااور پھر چار سال کے بعد تیسری طلاق بھی دیدی ، اس کے بعد ایک مفتی صاحب نے یہ بتایاکہ آپ کی دوسری دو طلاقیں نہیں ہوئیں، اس لئے آپ باہمی رضامندی سے آپس میں نکاح کرسکتے ہیں اس لئے ہم نے دوبارہ آپس میں نکاح کرلیااور اس کے بعد حمل ہوا۔کیاہماراآپس میں یہ دوسرانکاح درست ہے ؟اور ان تینوں بچوں کا نسب مجھ سے ثابت ہے ؟
جواب
سوال میں ذکرکردہ تفصیل اگر درست اور واقع کے مطابق ہے،تو مذکورہ صورت میں جب آپ نےپہلی دفعہ طلاق دی تواس سےایک طلاق بائن واقع ہوگئی ہے اورعدت گزرنےکےبعدجوطلاقیں دی گئی ہیں وہ محل نہ ہونےکی وجہ سےواقع نہیں ہوئی لہذا آپ کا دوسرا نکاح بلاشبہ درست ہے ،اور آپ کے تینوں بچوں کا نسب آپ سے ثابت ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
