مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
“دورانِ جھگڑا یہ کہنا”اگر میں نےتم کو نہیں مارا تو مجھ پر میری بیوی طلاق ہے وہ میری بہن ہے
سوال
دو بندے آپس میں جھگڑ رہے تھے تو ایک نے کہا کہ ” اگر میں نے تم کو نہیں مارا تو میری بیوی مجھ پر طلاق ہے وہ میری بہن ہے ،میں بات نہیں کروں گا جب تک میں آپ کو نہ ماروں “اب اس کا کیا حل ہے؟
جواب
واضح رہے کہ سوال میں مذکورہ الفاظ :”اگر میں نے تم کو نہیں مارا تو مجھ پر میری بیوی طلاق ہے ” اگر چہ ایک طلاق رجعی والے الفاظ ہیں لیکن اس کےمتصل بعد :”وہ میری بہن ہے ” کے الفاظ کہنے سے طلاق کے معنیٰ میں شدت پیدا ہوگئی ہے۔ جس کی وجہ سے طلاقِ رجعی طلاقِ بائن میں تبدیل ہوگئی ۔
لہٰذا صورتِ مسئولہ میں اب اگر یہ شخص دوسرے شخص کو نہیں مارتا تو اس کی بیوی پرایک طلاقِ بائن واقع ہو جائے گی ۔اب اگر شوہر رجوع کرنا چاہے تو باہمی رضامندی اور مہر جدید کے ساتھ دو گواہوں کی موجودگی میں دوبارہ نکاح کرلے ۔تاہم اسکے بعد اس کے پاس صرف دو طلاقوں کا حق باقی رہ جاے گا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
