ابوبکر (فرضی نام) کو بعض اوقات خود سے اکیلے ہی باتیں کرنے کی عادت ہے۔ یہ عادت مستقل یا بیماری کی شکل کی نہیں ہے بلکہ کبھی کبھار کسی گہری سوچ میں ہو تو بڑبڑانے لگتا ہے۔ ابوبکر ایک دن بیٹھے بیٹھے سوچوں میں گم ہو جاتا ہے اور ایک خیالی دنیا بناتا ہے کہ اس کی ایک دوست (عمر) سے ملاقات ہو رہی ہے اور وہ اس سے حال احوال پوچھ رہا ہے ۔ اس دوران ابوبکر اپنے دوست سے خیالی باتیں کرتے ہوئے الفاظ بڑبڑانے لگتا ہے اور خیالی دوست کے سے پوچھتا ہے کہ شادی ہو گئی۔ تو وہ کہتا ہے کہ میری ڈائوورس (طلاق) بھی ہو چکی ہے۔ پھر وہ خیالی دوست اس سےخیالی سوال کرتا ہے کہ تمہاری ہو گئی؟ ابوبکر سوچوں میں ہی اس سوال کا جواب دیتے ہوئے اپنی زبان سے یہ الفاظ ادا کرتا ہے کہ “یار میری بھی ڈائیوورس (طلاق) ہو چکی ہے” اور دو مرتبہ یہ جملہ بول دیتا ہے۔ بیوی کا ذکر نہیں کرتا صرف مطلق یہ الفاظ ادا کرتا ہے کہ “یار میری بھی ڈائیوورس (یعنی طلاق) ہو چکی ہے۔ اور ایک مرتبہ یہ جملہ بھی بڑبڑاتا ہے کہ میں بھی ڈائیوورس دے چکا ہوں۔۔۔۔مطلب ایک جھوٹی خبر دے رہا تھا۔ جب خیالات سے باہر آتا ہے تو ایک دم پریشان ہو جاتا ہے کہ آیا اسکی بیوی کو طلاق ہو گئی ہے یا نہیں۔براہ کرم وضاحت فرما دیں۔