مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
خود کاشتہ ، ٹھیکے والی اور رہائشی زمین پر زکوۃ کا حکم
سوال
کیا فرماتے ہیں علمائے کرام زکوۃ کے اس مسئلہ میں؟
ایک شخص کی دس ایکڑ زرعی زمین ہے جس کی مارکیٹ ویلیو دس کروڑ ہے اس کی تقسیم درج ذیل ہے
• دوایکڑ پر رہائشی عمارت ہے جہاں ان کے اہل و عیال سکونت پذیر ہیں۔ • تین ایکڑ ٹھیکے پر کاشتکاروں کو دی ہے۔ سالانہ ٹھیکہ تین لاکھ روپے ہے۔ • دو ایکڑ خود کاشت کی نہری پانی کے ساتھ۔ اور سالانہ آمدنی دولاکھ روپے ہے۔ • تین ایکڑ بنا کاشت اور ٹھیکہ خالی پڑی ہے۔ کوئی مصرف نہیں۔
ساری زمین سے متعلق موصوف کا کوئی ارادہ یا نیت پختہ نہیں کہ مستقبل میں اسکا کیا کرنا ہے؟
• ساری زرعی زمین خود کاشت کرنی ہے یا ٹھیکے پر دینی ہے؟ • رہائش کے علاوہ باقی زمین پر کوئی ہاؤسنگ سکیم بنانی ہے؟ • کوئی فیکٹری لگانی ہے یا ڈیری فارم بنانا ہے۔
سوال یہ ہے کہ کیا دو ایکڑ رہائشی عمارت نکالنے کے بعد آٹھ ایکڑ زرعی زمین پر زکات
• زمین کی مارکیٹ ویلیو آٹھ کروڑ پر زکات ہوگی؟ • ٹھیکے کی رقم تین لاکھ پر ہوگی؟ • خود کا شتہ زمین کی دولاکھ آمدنی منفی بیس ہزار خرچہ۔ ایک لاکھ اسی ہزار پر زکات یا عشر؟ • تین ایکڑ خالی زمین کی مارکیٹ مالیت تین لاکھ پر بھی لگے گی؟
التماس ہے کہ مستند فتوی عنایت فرمائیں تاکہ موصوف کو شریعت کے مطابق زکات ادا کرکے ذہنی سکون حاصل کرسکے۔
جواب
صورت مسؤلہ میں زمینوں کی مالیت پر زکوۃ نہیں، البتہ ٹھیکے والی زمین سے حاصل ہونے والی رقم میں سے جتنی رقم تاریخ ِ زکوۃ میں اس کی ملکیت میں موجود ہو اس پر زکوۃ لازم ہوگی۔ نیز خود کاشتہ زمین سے حاصل شدہ کل پیداوار پر ( بغیر خرچہ نکالے) عشر لازم ہوگا۔ اور اس پیداوار کو مارکیٹ میں فروخت کرکے جو رقم حاصل ہوگی اگر زکوۃ کی تاریخ آنے تک وہ رقم موجود ہو تو دیگر اموال کے ساتھ اس رقم پر بھی زکوۃ واجب ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
