ہمارے علاقوں میں ایک خودرو درخت ہے جس کے پتے جانوروں کے لئے بہت اہم اورمفیدسمجھے جاتے ہیں ، اس کے پتوں کی درختوں پرہی خریدوفروخت معروف ہے جنہیں خریدنے کے بعد مشتری اپنی ضرورت کے مطابق موسم (وقتِ معروف)کے اندروقتاً فوقتاً کاٹ کرلے جاتاہے۔نیزشاخ کوکونسی جگہ سے کاٹیں گے اس کی تحدید صراحتاً نہیں ہوتی ،لیکن عرف میں اس کی جگہ معلوم ہوتی ہے ،عام لوگ یہ سمجھ جاتے ہیں کہ کاٹتے وقت مشتری نے تجاوز سے کام لیا یانہیں ۔معلوم یہ کرناہے کہ پتوں کی اس طریقہ کے مطابق بیع درست ہے یانہیں؟