مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
خواتین کا سر پر چوٹی بنانا
سوال
اکثر عورتیں بالوں کے مختلف اسٹائل بناتی ہیں ان میں سے ایک یہ ہے کہ سر کے او پر بالوں کے نیچے کچھ رکھ کر یا بالوں کے ہی ذریعے بالوں کو تھو ڑااو نچاکر لیتی ہیں کیا یہ صورت جائز ہے اونٹ کے کوہان کی مشابہ تو نہی ہے؟ عورتوں کے سر کے جوڑے کو اونٹ کی کو ہان سے مشابہت دی گئی ہے مسئلہ یہ ہے کہ کس قسم کا جو ڑا ناجائز ؟ پیچھے گردن پر لٹکا ہوا یابالکل پیچھے سر پر یعنی گردن سے او نچایابالکل سر کے او پر جو شکل دیکھنے والے کو سر پر نظر آئے۔
جواب
احادیثِ مبارکہ میں خواتین کے لئےاونٹ کی کوہان کے مشابہ سر کےبالوں کاجوڑا باندھنےپرسخت وعید وارد ہوئی ہےکہ ایسا کرنے والی خواتین جنت کی خوشبو سے محروم ہوں گی۔اس وعیدمیں ہر وہ عورت داخل ہے جو غیرمحرم مردوں کواپنی زینت دکھانے اور انہیں اپنی جانب مائل کرنے کے لئےاپنے بالوں کوجمع کرکے یابالوں کے نیچے کپڑا وغیرہ رکھ کرسر کو پُھلا کر موٹاکرےیاسر کے درمیان میں یا سر پر پیچھے کی جانب گدی سے اوپرابھراہو ا جوڑا بنائے ۔لہٰذاایسی کوئی بھی صورت اختیارکرنے سے بچناضروری ہے ، البتہ پیچھے کی جانب بالوں کوگدی پراس طرح باندھنا کہ بال چھپ جائیں اور ابھرے ہوئے نہ ہوں وہ اس وعید میں داخل نہیں ہیں بلکہ اس سے توبالوں کے پردے میں سہولت ہوتی ہے،اس کی اجازت ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
