مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
خانہ کعبہ پر نظر پڑتے ہی دعا کی قبولیت
سوال
لوگ کہتے ہیں کہ اللہ تعالی کا وعدہ ہے کہ” جب بندے کی خانہ کعبہ پرپہلی نظر پڑ ے تو وہ جو بھی دعا مانگےگاتو وہ دعا قبول ہوگی ” یہ بات کہاں لکھی ہوئی ہے؟
جواب
احادیث کی روشنی میں خانہ کعبہ پرجب بھی نظر پڑے اس وقت جو دعا کی جاتی ہے وہ قبول ہوتی ہے اور احادیث میں اس حوالے سے جناب رسول اللہ ﷺ کے عمل اور قول دونوں کا ذکر ملتاہے۔ مصنف ابن ابی شیبہ میں حضرت مکحول رضی اللہ عنہ سے روایت ہے فرماتے ہیں کہ جناب رسول اللہ ﷺ جب خانہ کعبہ کو دیکھتے تو یہ دعا پڑھتے:” اللهم زد هذا البيت تشريفا وتعظيما ومهابة، وزد من حجه أو اعتمره تشريفا وتعظيما وتكريما وبرا “
ترجمہ:اے اللہ! اس گھر کی تعظیم وتکریم،شرف اور ہیبت کو زیادہ فرما اور حج اور عمرہ کرنے والوں کی تعظیم وتکریم،شرف اور ثواب میں اضافہ فرما۔
حدیث کی کتاب السنن الكبرى للبيهقي اور المعجم الكبير للطبراني میں حضرت ابو امامہ رضی اللہ عنہ سے روایت منقول ہے کہ آپ صلی اللہ علیہ وسلم نے فرمایا “جار جگہوں پہ آسمان کے دروازے کھول دئے جاتے ہیں اور دعا قبول کی جاتی ہے : اللہ کے راستے میں صفوں کے ملنے پر(یعنی جہاد کے موقع پر)، بارش کے نازل ہونے کے وقت، نماز قائم کرنے کے وقت، اور خانہ کعبہ کے دیدار کے وقت “۔
واضح رہے کہ مذکورہ احادیث کی روشنی میں خانہ کعبہ پر جب بھی نظر پڑے تو دعا قبول ہوتی ہے ،پہلی نظر والی بات روایات میں نہیں ہے لہذا یہ فضیلت عام ہے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
