مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
خالص الکوحل کو ٹیسٹنگ کی نیت سے چکھنا
سوال
ایک مسئلہ کے بارے میں شرعی راہنمائی درکار ہے ۔ہمارے ہاں لیبارٹری میں گنے سے سرکہ تیار کیا جاتا ہے جو مختلف مراحل سے گزر کر پہلے ایتھائل الکوحل میں تبدیل ہوتا ہے ،اس مرحلے پر پہنچنے کے بعد اس کی ٹیسٹنگ کی جاتی ہے جو چکھنے سے بھی ہو تی ہے اور دیگر آلات کے ذریعے سے بھی کی جا سکتی ہے، اور پھر کچھ مراحل سے گزر کر وہ سرکہ بن جاتی ہے ، اب سوال یہ ہے کہ الکوحل میں تبدیل ہوجانے کے بعد اس کو زبان سے چکھنے کی شرعاً گنجائش ہے یا نہیں؟
جواب
سوال میں ذکر کردہ الکوحل اگرچہ انگور، کھجور وغیرہ کے علاوہ سے تیار ہوتی ہے اور اس کو ادویات و غیرہ میں ملا کر استعمال کرنے کی ضرورت کی وجہ سے گنجائش بھی دی گئی ہے،لیکن سوال میں ذکر کردہ غیر مرکب الکوحل کو سرکہ بننے سے پہلے ٹیسٹنگ کی نیت سے زبان سے چکھنے سے احتراز کیا جائے اور دیگر جن طریقوں سے اس کی ٹیسٹنگ ممکن ہے (جیسا کہ سوال میں مذکور ہے )ان کے مطابق ہی ٹیسٹنگ کی جائے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
