مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
حکم کا فیصلہ نہ ماننے پر طلاق کو معلق کرنا
سوال
فریق اول : میر سید ولد افضل گلادام زوجہ مجاہدالدین۔فریق ثانی: مجاہد الدین ولد حاجت اکبر فریق اول میں سے گلادام زوجہ مجاہدالدین اور فریق ثانی مجاہدالدین ولد حاجت اکبر کے درمیان تنازعہ واقع ہوا تھا، جس کی بنا پر گلادام زوجہ مجاہدالدین نے اپنے خاوند مجاہدالدین ولد حاجت اکبر کے خلاف تھانے میں درخواست دائر کر دی تھی۔ پھر فریقین نے جرگے کے ذریعے تنازعے کو ختم کرنے پر اتفاق کر لیا، فریقین نے تین طلاق تحریری پر دستخط کر کے غیر مشروط طور پر جرگہ داران مقرر کر دیا کہ جرگہ داران جو بھی فیصلہ کریں گے ہمیں قبول ہوگا ،فیصلے کو نہ ماننے کی صورت میں جو فریق جرگے کا فیصلہ نہیں مانے گا اس کی تین طلاقیں واقع ہو جائیں گی، البتہ فریقین نے طلاق عملا واقع نہیں کیا ہے ،صرف لکھے ہوئے پر دستخط کیا ہے، فریق اول میں سے میر سید ولد افضل(جو کہ گلادام کے سگے بھائی ہیں) تین طلاق تحریری پر دستخط کر کے پابند ہوئے ہیں کہ جرگہ داران کا فیصلہ میں بھی مانوں گا اور میری بہن گلادام بھی مانے گی،بعد ازاں جرگہ داران نے فیصلہ کیا اور فریق ثانی مجاہدالدین ولد حاجت اکبر کو سنایا ،اس نے فیصلے کو قبول کیا۔
اس کے بعد جب فیصلہ فریق اول کو سنایا تو میر سید ولد افضل نے کہا کہ فیصلے میں میری بہن کے ساتھ ظلم ہوا ہے،اگر ہو سکتا ہے تو آپ یہ فیصلہ واپس لے لیں اور ہماری رائے(جرگہ داران کو فیصلے کی جو رائے دی ہے) واپس کر دیں ،نیز میر سید ولد افضل کی بہن گلادام نے بھی فیصلہ ماننے سے انکار کرتےہوئے کہا کہ وہ خودکشی کرے گی،جرگہ داران کی کافی کوشش کے بعد فریق اول کا فیصلہ نہ ماننے پر جرگہ داران نے یہ سوچا کہ ایک تو فریق اول میں سے گلادام زوجہ مجاہدالدین نے خودکشی کی دھمکی دی ہے، نیز فیصلہ مسلط کرنے کی صورت میں میر سید ولد افضل کی طلاق واقع نہ ہو جائے اسی مجبوری اور سوچ کی وجہ سے فریق اول یعنی میر سید اور ان کی بہن گلادام کو اسی مجلس میں کہا کہ ہم نے اپنا فیصلہ واپس لے لیا ہےا،اور فریق ثانی کو بھی اسی مجلس میں کال کر کے اطلاع دی کہ فیصلہ ہم نے واپس لے لیا ہے،اور آپ نے ہمیں فیصلہ کرنے کی جو رائے دی تھی وہ ہم نے واپس کر دیا۔ دریافت طلب امور یہ ہیں
نمبر1۔کیا جرگہ داران کا فیصلہ سناتے ہی فورا فریقین پر لاگو اور لازم ہو گیاہے؟
نمبر2-اگر فیصلہ فورا ان کے اوپر نافذ ہو چکا ہے تو کیا فیصلہ سنانے اور لازم ہونے کے بعد جرگہ داران اپنا فیصلہ واپس لے سکتے ہیں؟
نمبر3-اگر فیصلہ فریقین کے اوپر لازم ہو چکا ہے اور جرگہ داران اپنا فیصلہ واپس بھی نہیں لے سکتے ہیں تو جرگہ داران نے فیصلہ ماننے کے لئے کوئی وقت نہیں دیا ہے یعنی فیصلہ فورا ماننے کی کوئی شرط نہیں ہے،اب مذکورہ فریق یعنی میر سید ولد افضل اور ان کی بہن گلادام زوجہ مجاہدالدین فیصلے کو قبول کرنے اور عملدرآمد کرنے کے لئے تیار ہے، اب فیصلہ ماننے اور عملدرآمد کرنے سے میر سید ولد افضل کی طلاق واقع ہوگی یا نہیں؟
فیصلے پر عملدرآمد نہ ہونے کی وجہ یہ ہے کہ مذکورہ فریق (میر سید ولد افضل اور گلادام زوجہ مجاہدالدین) سمجھ رہا تھا کہ جرگہ داران نے فیصلہ واپس لے لیا ہے اور ہماری رائے واپس کر دی ہے لہذا طلاق واقع نہیں ہوگی؟
جواب
نمبر1-3 واضح رہے کہ فریقین باہمی رضامندی سے جس کو حَکم (ثالث ) بنا لیں ان پر شرعاً ثالث کے فیصلے کے مطابق عمل کرنا لازم ہو جاتا ہے اور فریقین یا خودثالث کا اپنے فیصلہ کو منسوخ کرنے سے وہ فیصلہ منسوخ نہیں ہوتا۔لہٰذا صورتِ مسئولہ میں فریقین میں سے ہر ایک پر لازم ہو گیاہے کہ وہ جرگہ داران کے فیصلے کے مطابق عمل کریں ۔نیز فریقین میں سے ہر ایک نے فیصلہ نہ ماننے پر جو طلاق کو معلق کیا ہے اس کا مطلب یہ ہے کہ ان میں سے ہر ایک فیصلہ پر عمل کرنے کا حتمی طور پر پابند ہوگا۔اس لیے اس پر عملد ر آمد نہ کرنے کی صورت میں منکر فریق کی بیوی پر تین طلاقیں واقع ہو جائیں گی اور ابھی چونکہ ان کے پاس فیصلہ پر عملد رآمد کرنے کا موقع موجود ہے اس لیے فی الحال طلاق واقع نہیں ہوئی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
