مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
حمل ٹھہرنے کے ایک ہفتے بعد اسقاطِ حمل
سوال
ایک خاتون ہیں جنہیں حمل کو ٹھہرے ہوئے صرف ایک ہفتہ ہوا ہے۔ حمل کی تصدیق دو دن بعد ہی ہو چکی تھی۔ خاتون کی صحت پہلے سے کمزور ہے، مختلف دائمی بیماریوں کا شکار ہیں، جیسے کہ گزشتہ 25 سال سے لیکوریا کی مریضہ ہیں، بلڈ پریشر اکثر کم رہتا ہے، اور عمومی جسمانی کمزوری کی حالت میں ہیں۔ ہر نماز کے لیے طہارت قائم رکھنے کے لیے کپڑے تبدیل کرنا پڑتے ہیں۔
اس عورت کے پہلے چار بچے آپریشن کے ذریعے پیدا ہوئے، اور ہر بار ڈیڑھ سال کے وقفے سے حمل ہوا۔ ہر زچگی کے وقت لیڈی ڈاکٹرز نے تنبیہ کی کہ آئندہ حمل اور آپریشن جان لیوا ہو سکتا ہے۔ بعض اوقات ڈاکٹرز نے رحم ختم کروانے تک کا مشورہ دیا، مگر عورت نے شرعی لحاظ سے اسے قبول نہیں کیا۔
اب حالیہ حمل کی صورت میں ماہر ڈاکٹرز نے ایک بار پھر واضح کیا ہے کہ حمل برقرار رکھنے کی صورت میں یا تو حمل ضائع ہو جائے گا یا عورت کی جان کو شدید خطرہ لاحق ہوگا، حتیٰ کہ موت کا بھی اندیشہ ہے۔
ایسے حالات میں، جب حمل کو ابھی صرف ایک ہفتہ ہوا ہے، اور طبی طور پر ماں کی جان کو خطرہ لاحق ہے، کیا شریعت اس حمل کو ضائع کرنے کی اجازت دیتی ہے؟
جواب
صورتِ مسئولہ میں واقعتاً اگر حمل کو ٹھہرے ہوئے صرف ایک ہفتہ ہوا ہے تو ماہر ڈاکٹرز کی رائے کے مطابق موجودہ عذر میں اسقاطِ حمل کروایا جا سکتا ہے، تاہم چار ماہ بعد حمل میں روح پڑ جائے تو اسقاطِ حمل قتلِ انسانی کے حکم میں ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
