مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
حقیقی بھائیوں کے ہوتے ہوئے علاتی اور اخیافی بھائیوں کا میراث میں حصہ
سوال
کیا فرماتے ہیں علماء کرام کہ حقیقی بھائیوں کے ہوتے ہوئے ،علاتی اور اخیافی بھائیوں کا وراثت میں کیا حصہ بنتا ہے؟ یا حقیقی بھائی تو موجود نہیں لیکن اخیافی اور علاتی موجود ہیں ان کو آپس میں وراثت کیسے تقسیم ہوگی؟
جواب
واضح رہے کہ اخیافی بھائی ذوی الفروض میں سے ہیں اور حقیقی و علاتی بھائی عصبات میں سےہیں اور خیفی بھائی حقیقی و علاتی بھائی کی وجہ سے محروم نہیں ہوتاجبکہ علاتی بھائی حقیقی بھائی کی وجہ سےمحروم ہوجاتا ہے نیز مرحوم کے باپ، دادا یا اولاد نہ ہونے کی صورت میں ایک خیفی بھائی ہو تو اس کو وراثت میں سے سدس (1/6) اور اگر ایک سے زائد ہوں تو ثلث (1/3) حصہ ملے گا۔
پھر جو مال بچے گا وہ عصبات میں تقسیم ہوگا، عصبات میں درجہ قرابت اور قوت قرابت کی بنیاد پر حقیقی بھائی کو علاتی بھائی پر ترجیح حاصل ہوگی، اس کے ہوتے ہوئے علاتی کو کچھ نہیں ملے گا لیکن حقیقی بھائی موجود نہ ہونے کی صورت میں علاتی بھائی کو بقیہ وراثت ملے گی، بشرطیکہ کوئی اور سببِ حرمان موجود نہ ہو۔
نوٹ :یہ اصولی جواب ہے، تاہم میراث کے مسائل میں حقیقی صورتحال اور مسئلہ واضح کر کے دارالافتاء سے رجوع کیا جائے ۔ جزاک اللہ خیراً
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
