مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
حالت ِ احرام میں سلے ہوئے کپڑے پہننا
سوال
ایک آدمی عمرہ کرنے گیا ،احرام باندھ کر مسجد حرام میں بیٹھا وہاں کی زیارت کی اور یہ سمجھا کہ بیت اللہ کی زیارت ہی عمرہ ہوتا ہے۔اور واپس آکر اپنے مکان میں احرام کھول دیا،اور سلے ہوئے کپڑے پہن لئے۔ساتھ میں رہنے والوں کو احوال بتائے تو انہوں نے کہا کہ اس طرح عمرہ نہیں ہوتا پھر اس کو طریقہ بتایا تو اس کے مطابق عمرہ کیا،اس کے بارے میں کیا حکم ہے آیا اس پر دم لازم ہوگا یا نہیں؟
جواب
صورت مسئولہ میں احرام باندھنے کے بعد سلے ہوئے کپڑے پہننے کی وجہ سے احرام نہیں ٹوٹا۔البتہ اگر سلے ہوئے کپڑے ایک مکمل شرعی دن یا رات یا اسکی مقدار کے برابر وقت پہنے رہے تو ایک دم لازم آئے گا۔اگر اس سے کم مدت پہنے رہے تو صدقہ ادا کرنا ضروری ہے جس کی مقدار نصف صاع گندم یا اس کا آٹا،یا ایک صاع جو یا اس کا آٹا،یا ایک صاع کجھور یا کشمش ہے (ایک صاع کلو کے حساب سے ساڑھے تین کلو اور نصف صاع احتیاطا دو کلو کے برابر ہے)۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
