مذکورہ حدیث کے تحت ملّا علی قاری ؒ نے لکھا ہے کہ اس میں دو احتمال ہیں ایک احتمال یہ ہے کہ عذاب سے پہلے جنت میں داخل ہو گا ،اور دوسرا احتمال یہ ہے کہ اپنے گناہوں کے بقدر سزا کے بعد جنت میں داخل ہوگا،پہلا احتمال زیادہ ظاہرہے تاکہ فرق ہو جائے ان مؤمنین سے جنکا آخری کلام لاالٰہ الا اللہ نہ ہو،تاھم واضح رہے کہ اس حدیث کی بنیاد پر اعمال صالحہ سے دور اور اعمال سیئہ میں مبتلا رہنا صحیح نہیں ہے۔