تین طلاقیں واقع ہونے کے لئے ایک ساتھ تین طلاقیں دیناضروری نہیں، بلکہ الگ الگ تین طلاقیں دینے سے بھی تینوں طلاقیں واقع ہوجاتی ہیں اورڈرانے دھمکانے کی نیت سے طلاق دینےسےبھی طلاق واقع ہوجاتی ہے۔ اسی طرح علم کے بغیربھی طلاق واقع ہوجاتی ہے؛لہٰذاصورتِ مسئولہ میں تین طلاقیں واقع ہوکر حرمتِ مغلظہ ثابت ہوگئی ہے اورنکاح ختم ہوگیاہے۔ اب ان میاں بیوی کے لئے ایک دوسرے کے ساتھ رہنا جائزنہیں اورنہ ہی یہ دونوں آپس میں رجوع کرسکتے ہیں۔ عدت گزرنے کے بعد اپنے اہلِ خانہ کے مشورے سے عورت دوسری جگہ شادی کرسکتی ہے۔ پھر اگر ہمبستری کےبعددوسرےشوہرکاانتقال ہوجائےیاوہ کسی وجہ سے طلاق دیدے تو عدت گزارنے کے بعدباہمی رضامندی سےنئے مہركے عوض پہلےشوہرکےساتھ دوبارہ نکاح کرسکتی ہے۔