مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
تین طلاقوں کا مسئلہ
سوال
میری بیوی انتہائی بد زبان نافرمان ہے جو کہ ہمیشہ جھگڑتی رہتی تھی ، جس کی وجہ سےہمارے مابین نباہ مشکل ہو گیا تھا اس کے اس رویے کی وجہ سے میں اسے طلاق دے کر اپنی زوجیت سے آزاد کرتاہوں، میں اسے طلاق دیتا ہوں ، طلاق دیتا ہوں، طلاق دیتا ہوں،نیز میں اس کے کسی بھی قول وفعل کا اب ذمہ دار نہیں ہوں ، اور طلاق نامہ گواہان کے سامنے لکھ کر دیا تاکہ بعد میں ضرورت کے وقت کام آجائے ۔اب اس کاکیاحکم ہے؟
جواب
صورت ِمسئولہ میں تین طلاقیں واقع ہو کر نکاح ختم ہوگیا اور حرمتِ مغلظہ ثابت ہو چکی ہے،لہٰذا اب رجوع نہیں ہوسکتااورآپس میں نکاح بھی نہیں ہوسکتا۔لہٰذا آپس میں میاں بیوی کی حیثیت سے اکٹھے رہنا ہرگز جائز نہیں ہے بلکہ حرام اور سخت گناہ ہےاوردونوں پر واجب ہے کہ فوراً ایک دوسرے سے الگ ہوجائیں۔
واضح رہےکہ قرآن و سنت کی روشنی میں اکٹھی تین طلاقیں دینا اگرچہ شرعاًناپسندیدہ اور گناہ والاعمل ہےاورحکومت کو اس کے متعلق تعزیری قانون بنانا چاہیے، تاہم قرآن و حدیث اور صحابہ کرام کے فیصلوں کی روشنی میں تینوں طلاقیں واقع ہو جاتی ہیں، نیزامام اعظم امام ابوحنیفہ، امام مالک،امام شافعی،امام احمدبن حنبل، امام بخاری، امام مسلم رحمہما اللہ تعالیٰ الغرض جمہور فقہا ء ؒ اورمحدثینؒ کا یہی مسلک ہےاورسعودی حکومت کے مقرر کردہ علماء بورڈ کا بھی یہی مسلک ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
