مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
تین طلاقوں کا حکم
سوال
میری شادی 2016۔12۔17کو ہوئی، میری بیوی ایک سکول ٹیچر تھی، شادی کے چار ماہ بعد جب ہم نے اس کو نوکری چھوڑنے کا کہا تو وہ ناراض ہو کر اپنے والدین کے گھر چلی گئی اور دوماہ بعد انہوں نے یہ مطالبہ کیا کہ میں ان کے گھر گھر داماد بن کر رہوں تو ٹھیک ہے ورنہ مجھے طلاق دے دو ۔
میں نےاور میرے والد صاحب نے ان کو منانے کی کو شش کی اور لڑکی کو الگ پورشن میں رکھنے کی پیش کش بھی کی، لیکن وہ کسی صورت نہ مانے، اس کے بعد لڑکی کا والد جہیز کا سامان اٹھاکر لےگیا، لڑکی کے گھروالوں کی طرف سےطلاق پرزیادہ زورتھاجبکہ ہم چاہتےتھےکہ کوئی بیچ کاراستہ نکل جائے،اورطلاق کی نوبت نہ آئے۔
مجھےطلاق کاطریقہ معلوم نہیں تھا،میں نےاپنی یونین کونسل جاکرطلاق کاطریقہ پوچھا،انہوں نےمجھےبتایاکہ 3ماہ کاٹائم لگتاہے،ایک اسٹام پیپربنوالوں اورلڑکی والوں کی یونین کونسل میں دےدو، وہ دونوں فریقوں کوبلائیں گےاورملانےکی کوشش کریں گے،اگرراضی نہ ہوئےتوپھرطلاق کی کاروائی کریں گے۔
میرےوالدصاحب نےاپنےجاننےوالےسےطلاق کاپیپربنوایا،اس نےکہاکہ طلاق میں 6ماہ لگےگا،آپ اسٹام پیپرپردستخط کرکےلڑکی والوں کی یونین کونسل میں جمع کرادو، اگردونوں کےدرمیان کوئی رابطہ نہ ہوا تو وہ ایک ماہ بعدلڑکی کوپہلی طلاق کانوٹس بھیجےگا اوردوماہ بعددوسری طلاق کااور3ماہ بعدآخری طلاق نامہ بھیجےگاپھرطلاق ہوجائے گی۔
یونین کونسل اوراس آدمی کی بات سےمجھےیہ معلوم ہواکہ ایک وقت میں ایک ہی طلاق ہوگی،لہذا میں نے اسٹام پیپرپردستخط کردیے،اس وقت نہ تومیرا طلاق کاارادہ تھااورنہ ہی میں نےطلاق کےالفاظ زبان سےکہے اوریہ بات ذہن میں تھی کہ یونین کونسل والےہمیں ملانےکی کوشش کریں گے۔اوریہ بات واضح کردوں کہ اس اسٹام پیپرپر لفظ طلاق دیتاہوں 3بارلکھاہواتھا۔اب ہمارےلیےکیاحکم ہے؟
جواب
صورت مسئولہ میں تین طلاقیں واقع ہو کر نکاح ختم ہوگیا اور حرمتِ مغلظہ ثابت ہو چکی ہے ، لہٰذاب رجوع نہیں ہو سکتا اور آپس میں نکاح بھی نہیں ہو سکتا ۔لہٰذا آپس میں میاں بیوی کی حیثیت سے اکٹھے رہنا ہر گز جائز نہیں ہے بلکہ حرام اور سخت گناہ ہے ۔
واضح رہے کہ قرآن وسنت کی روشنی میں اکٹھی تین طلاقیں دینا اگرچہ شرعاً نا پسندیدہ اور گناہ والا عمل ہے اور حکومت کو اس کے متعلق تعزیری قانون بنانا چاہیے ،تاہم قرآن وحدیث اور صحابہ کرام کے فیصلوں کی روشنی میں تینوں طلاقیں واقع ہو جاتی ہیں ،نیز امام اعظم ابو حنیفہ ،امام مالک ،امام شافعی ،امام احمد بن حنبل ، اما م بخاری ۔امام مسلم الغرض جمہور فقہاءاور محدثین رحمہم اللہ کا یہی مسلک ہے اور سعودی حکومت کے مقررکردہ علماء بورڈ کا بھی یہی مسلک ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
