مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
تین آدمی ایسے ہیں جن کی دعا قبول نہیں ہوتی”حدیث کی تحقیق”
سوال
حدیث میں آتا ہے کہ تین آدمی ایسے ہیں جو دعا کرتےہیں لیکن ان کی دعا قبول نہیں کی جاتی: وہ شخص جس کے پاس بد خلق بیوی ہواوروہ اس کو طلاق نہ دےدوسرا وہ شخص جو یتیم کے بالغ ہونے سے پہلے اس کا مال اس کے حوالے کردے۔ تیسرا وہ شخص جس کسی کو اپنا مال قرض دے اور اس پر گواہ نہ بنائے۔کیا مذکورہ حدیث صحیح ہے ؟ اس کی تخریج کردیں
جواب
جن کی دعا قبول نہیں ہوتی
سوال میں ذکر کردہ مفہوم کی حدیث امام حاکم نے مستدرک میں نقل کی ہے، البتہ اس میں یتیم کی بجاءے سفیہ (بےوقوف ) کا لفظ ہے کہ جو شخص بے وقوف کو اس کا مال دےدے۔۔۔الخ
نیز یہ حدیث سند کے اعتبار سے صحیح ہے، البتہ یہ بات ذہن نشین رہے کہ اس حدیث کا یہ مطلب نہیں کہ ان تین آدمیوں کی کوئی دعا قبول نہیں ہوگی، بلکہ اس کا درست مطلب یہ ہے کہ کسی شخص کی بیوی بد مزاج ہو تو اسے چاہیے کہ صبر کرے یا طلاق دے کر جدا کرے بددعانہ کرے، اس کی بد دعا عورت کے حق میں قبول نہ ہوگی۔
دوسراشخص جس نے کسی کو مال دیا اور گواہ نہ بنایا جس کا اللہ تعالیٰ نے قرآن مجید میں حکم دیا ہے ۔اسے بددعا نہ دے ، اس قرض خواہ کی بد دعا مقروض کے حق میں قبول نہ ہوگی کیونکہ اس نے خود کوتاہی کی اور مال دوسرے شخص کو بطور قرض دیتے وقت گواہ نہیں بنایا۔
تیسرا وہ شخص جس نے بےوقوف کو مال دیا ،تواسے چاہیے تھا کہ اسے مال نہ دیتا۔اب اس کے خلاف بد دعا نہ کرے اگر بددعا کرے گا تو قبول نہیں ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
