مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
تمہیں فارغ کرتا ہوں ،جاؤ دفع ہو جاؤ” کے الفاظ سے طلاق کا حکم”
سوال
شوہر کا بیان: یہ واقعہ ۶ ماہ پہلے کا ہے کہ ہماری میاں بیوی کی لڑائی ہوئی فون پر” میں تمہیں فارغ کرتا ہوں ، جاؤ دفع ہو جاؤ” یہ جملہ غصے کی حالت میں بولا تھا نہ کہ طلاق کی نیت سے بولا تھا اور اس کے بارے میں علم نہیں تھا کہ اس سے طلاق واقع ہو جاتی ہے اس کے بعد ہماری صلح ہو گئی تھی ۶ ماہ کے بعد پھر لڑائی ہوئی تو میں نے بیوی کے بھائی کو تین بار بولا کہ “ میں طلاق دیتا ہوں تمہاری بہن کو” کیا حکم ہے اس مسئلہ کا؟
جواب
صورتِ مسئولہ میں غصہ کی حالت میں مذکورہ الفاظ”میں تمہیں فارغ کرتا ہوں ، جاؤ دفع ہو جاؤ” کہنے سے ایک طلاق بائن واقع ہو کر نکاح ختم ہو گیا تھا اور دونوں ایک دوسرے کے لیے اجنبی ہو گئے تھے اس کے بعد جتنا عرصہ میاں بیوی کے طور پر ایک ساتھ رہے و ہ شرعاً جائز نہیں تھا اور دونوں گناہ گار ہوئے، جس کی وجہ سے دونوں پر توبہ استغفار لازم ہے لہذا ۶ ماہ بعد دوبارہ الفاظ طلاق بولنے سے کوئی طلاق واقع نہیں ہوئی۔ تاہم اگر دونوں رضامندی کے ساتھ اکٹھے رہنا چاہتے ہیں تو شرعی گواہوں کی موجودگی میں نئے مہر کے عوض دوبارہ نکاح کرلیں۔ یاد رہے کہ پھر آئندہ صرف دو طلاقوں کا اختیار ہو گا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
