مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
“بیگم کو کہنا ” میں تین دفعہ طلاق دیتا ہوں
سوال
روز مرہ گھریلو ناچاقی اور لڑائی کی صورت میں اور ہر وقت نازیبہ الفاظ کے چناؤاور والدین کے ساتھ ناچاقی اور لڑائی کی صورت میں آکر میں نے اپنی بیگم کو کہا کہ میں تین دفعہ طلاق دیتا ہوں اور میں اہلسنت حنفی فقہ سے تعلق رکھتا ہوں اگر میں دوبارہ رجوع کروں تو کیا صورت ہوگی اور کیا یہ طلاق ہو چکی ہے اور اس میں رجوع ہو سکتا ہے؟
جواب
صورت مسئولہ میں تین مرتبہ طلاق دینے سےتین طلاقیں واقع ہو کرحرمت مغلظہ ثابت ہوگئی ہے۔ اور نکاح ختم ہو گیا ہے۔اب موجودہ صورت حال میں دونوں ایک دوسرے کے لیے اجنبی بن چکے ہیں،لہٰذا ان کے لیے ایک ساتھ رہنا جائز نہیں ہے نہ آپس میں رجوع کر سکتے ہیں ،اور نہ ہی نیا نکاح کر کے اکٹھے رہ سکتے ہی،البتہ اگر عورت عدت طلاق گزارنے کے بعد کسی دوسرے شخص سے نکاح کرے اور ہمبستری بھی ہو جائے پھر دوسرے شخص کا انتقال ہو جائے یا وہ کسی وجہ سے طلاق دےدے تو عدت گزرنے کے بعد پہلا شوہر اس عورت کے ساتھ اسکی رضامندی سے دوبارہ نکاح کر سکتا ہے ۔
واضح رہے کہ دوسری جگہ مستقل رہنے کی نیت سے نکاح کرنا چاہئے،حلالہ کی شرط پر نکاح کرنا ناجائز اور گناہ ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
